U noč z 29 na 30 maja mužčyna razhramiŭ Muziejny paviljon kasmanaŭtyki, jaki raźmieščany ŭ Minskim aerakłubie DTSAAF na Baravoj. Padrabiaznaści TUT.BY paviedamiŭ načalnik štaba aerakłuba DTSAAF Mikałaj Cimašenka.
Paviljon kasmanaŭtyki byŭ adkryty ŭ muziei avijacyjnaj techniki Centralnaha aerakłuba DTSAAF u 2016 hodzie. Zaraz muziej rychtujecca da pierajezdu, adnak pa-raniejšamu prymaje naviedvalnikaŭ.
Pa słovach Cimašenki, u incydencie, jaki adbyŭsia ŭ noč ź piatnicy na subotu, nichto nie paciarpieŭ, akramia samoha napadnika: miarkujučy pa nievialikich śladach kryvi, jon paraniŭsia padčas razhromu ekspazicyi paviljona kasmanaŭtyki.
Mužčynu ŭžo znajšli, viadziecca śledstva. Sama ekspazicyja surjozna nie paciarpieła, ekspanaty nie paškodžanyja.
Fota Juryja Piatrova
— Ja dumaju, što tam usio, što było paškodžana, jano adnaŭlajecca. Dapuścim, šklanaja tumbačka — adnaŭlajecca; dźviery vybityja — adnaŭlajecca. Ekspanaty, u pryncypie, nie paciarpieli. Ničoha surjoznaha, — raspavioŭ načalnik štaba aerakłuba DTSAAF.
Zatrymany mužčyna, pa słovach Mikałaja Cimašenki, pryznaje svaju vinu i hatovy kampiensavać ramont i adnaŭleńnie ekspazicyi.
— Pra toje, čamu heta zrabiŭ, jon kaža: «Ja nie pamiataju». Samaje hałoŭnaje, što jon nie admaŭlajecca. Skazaŭ, što ŭsio adnović, abiacaŭ usio zrabić na praciahu dvuch tydniaŭ.
