Ukraina z 1 červienia pierajšła da novaha etapu źmiakčeńnia karancinu, uviedzienaha z-za pandemii karanavirusa. Pra heta paviedamiŭ premjer-ministr krainy Dzianis Šmyhal, pieradaje «Interfaks-Ukraina».
«Na praciahu apošnich dvuch tydniaŭ my nazirajem prykładna adnolkavuju kolkaść novych chvorych i zdarovych pa krainie», — rastłumačyŭ Šmyhal.
Pavodle jaho słoŭ, epidemičnaja situacyja ŭ bolšaści rehijonaŭ dazvalaje adkryć fitnes-centry i navučalnyja ŭstanovy, a taksama adnavić aŭtamabilnaje złučeńnie pamiž abłaściami i čyhunačnyja pieravozki.
Rašeńnie ab źniaćci tych ci inšych abmiežavańniaŭ u rehijonach buduć prymać śpiecyjalnyja kamisii.
Pavodle apošnich źviestak, va Ukrainie zarehistravanyja 24 012 łabaratorna paćvierdžanych vypadkaŭ COVID-19, u tym liku 718 śmiarotnych. Ačuniali 9690 pacyjentaŭ. Za sutki vyjaŭleny 340 novych vypadkaŭ zaražeńnia.