Pra heta kiraŭnik krainy zajaviŭ siońnia na sustrečy z šefam KDB Valeryjem Vakulčykam, piša SB.
«My nikomu nie budziem zakryvać rot. Kali łaska — vyznačany miescy ŭ Minsku i va ŭsich haradach, punkty, dzie možna vieści dyskusiju. Pa-mojmu, u Minsku heta šeść punktaŭ. Naša sprava — kantrol, kab vy nie vyjšli za ramki. Šeść punktaŭ u Minsku — idzi debatuj. Ale Kamitet dziaržbiaśpieki razam ź milicyjaj ni ŭ jakim razie nie pavinny dapuścić parušeńnia zakona. Ludzi pavinny pajści sami i dyskutavać. Chočuć na kuchni — kali łaska. Ale kab nie pieraškadžali inšym ludziam. My pavinny vykanać paradak. U krainie pavinien być paradak.
My nie pavinny dapuścić, kab roznaha rodu chieŭry i bandy kryminalnikaŭ błukali pa krainie z zakasanymi rukavami: ludzi, nie daj boh, padumajuć, što hiestapa viarnułasia, vajna pačałasia».
«Voś hetaha my dapuścić nie pavinny. I ja hetaha ja nie dapušču. Ja ŭžo vajennym kazaŭ
Ja adzin budu suprać ich zmahacca, kali treba, choć u nas chapaje ludziej u pahonach, jakija zdolnyja abaranić svaju krainu.
Jany razumiejuć, što ŭ hetaj krainie žyć ich dzieciam, našym dzieciam, vašym, nie tolki nam samim. Tamu ŭsio pavinna być pa zakonie», — kiraŭnik dziaržavy paprasiŭ Valeryja Vakulčyka dałažyć ab situacyi ŭ krainie z punktu hledžańnia Kamiteta dziaržbiaśpieki:
— I heta nie tolki toje, što ja skazaŭ na złobu dnia z nahody hetych, jakija nam majdan sprabujuć zładzić. U nas jość i ekanamičnaja biaśpieka, charčovaja, vajennaja i inšyja, mnohija napramki. Jany ciapier pavoli abvastrajucca, bo vostry palityčny pieryjad. Chaciełasia b viedać, jak vy bačycie raźvićcio situacyi i da čaho my ŭ vyniku zdolnyja pryjści.
Pieryjad uskładniajecca tym, što ŭ nas tut ledź nie čatyry ci piać pandemij. Adna ŭ halinie achovy zdaroŭja. Dziakuj bohu, što my pavoli pieraadolvajem jaje (tut užo nie skažaš, što my chłusim — idzicie ŭ balnicu hladzicie).
Nakłałasia na heta palityčnaja pandemija ŭ suviazi z vybarami. Ekanamičnaja pandemija — kryzis va ŭsim śviecie, nie naša vina, biada naša. I šerah inšych pandemij, jakija błukajuć vakoł našych miežaŭ, ale pakul bajacca sunuć siudy nos. My z hetymi pandemijami pavinny spravicca. Ja ŭžo nie nazyvaju infapandemiju. Heta fon dla ŭsich pandemij.
Zaraz i ŭ internecie, u hetaj śmietnicy, što zaŭhodna zakidvajuć i z-za miažy nam. U tym liku i rodnyja braty prablem padkidvajuć u srodkach masavaj infarmacyi.
Ale my ŭsio heta bačym. Spraviadliva, sumlenna i biez chłuśni. Ja Amieryku nie adkryŭ. My pavinny dziejničać u hetym płanie. I chto choča pa zakonie prajści hety pieryjad, my da ich budziem stavicca z pavahaj», — dadaŭ Łukašenka.
