Minsk-naviny

Minsk-naviny

U Nacyjanalnym aeraporcie «Minsk» pačali dziejničać novyja praviły biaśpieki ŭ suviazi z pandemijaj karanavirusa. Ciapier u budynak aeravakzała (terminała) nie buduć puskać tych, chto pravodzić, i tych, chto sustrakaje, paviedamlaje pres-słužba aeraporta.

Dostup u terminał pradastaŭlajecca tolki pasažyram, členam ekipaža i piersanału. Vyklučeńnie moža być zroblena dla tych, chto supravadžaje abo sustrakaje dziaciej, pasažyra z abmiežavanymi mahčymaściami, asob pažyłoha ŭzrostu.

U aeraporcie źviarnulisia z prośbaj da tych, chto sustrakaje i pravodzić, u budynak terminała na ŭvachodzić: «Vy možacie pravodzić/sustreć svaich blizkich, siabroŭ abo kaleh na vulicy kala ŭvachodu ŭ aeravakzał».

Taksama pry ŭvachodzie ŭ budynak aeraporta nieabchodna vykarystoŭvać achoŭnyja maski i vykonvać sacyjalnuju dystancyju ŭ paŭtara mietra. U ranišnija i viačernija hadziny pry ŭvachodzie ŭ budynak aeraporta pravodzicca tempieraturny skryninh.

Asobam, jakija nie pilnujucca nazvanych mier biaśpieki, moža być admoŭlena ŭ dostupie ŭ budynak terminała aeraporta.

Hetyja rekamiendacyi pryniaty ŭ adpaviednaści z pratakołam Jeŭrapiejskaha ahienctva pa avijacyjnaj biaśpiecy (EASA) i Jeŭrapiejskaha centra pa papiaredžańni i kantrolu zachvorvańniaŭ (ECDC).

Клас
0
Панылы сорам
0
Ха-ха
0
Ого
0
Сумна
0
Абуральна
0