Siońnia na pasiadžeńni CVK Lidzija Jarmošyna raskrytykavała mietady na pikietach, piša Tut.by.

«Našych hramadzian uvodziać u zman padobnyja palityki i zmahary. Jany ŭpeŭnienyja, što ciapier takaja atmaśfiera, kali lehitymna možna vychodzić na mitynhi ŭ luboje miesca, dzie pažadaje navajaŭleny zmahar, i vykazvać svoj pratest. Heta absalutnaja niapraŭda».

«I što my bačym? My bačym pikiety, dzie ab patencyjnym kandydacie amal ničoha niama, usio astatniaje — heta ahitacyja suprać kankretnaj peŭnaj asoby, pryčym złosnaja, paklopnickaja, abraźlivaja. Bolš za toje, tam jość pramyja pahrozy navat mnie. Kali łaska, heta ja kažu dla tych, chto ličyć hetyja pikiety mirnymi.

Što aznačaje nadpis na pikiecie spadaryni Cichanoŭskaj sa słovami «prystuknuć» — nu i dalej abraźlivaja mianuška mianie?»

Prystuknuć — sinonim słova «zabić», «źniščyć». Heta pahroza, pramaja pahroza, jakaja ŭžo napisanaja na pikiecie pa zbory podpisaŭ. Heta mirny pikiet? Što aznačaje vystup spadara Cichanoŭskaha ŭ Mahilovie 27 maja, cytuju ź internet-resursaŭ: «my chutka źbirajemsia ŭ Škłoŭ, u Aleksandryju, choć tam nichto i nie žyvie» — ale heta zrazumieła, majecca na ŭvazie rezidencyja.

«I kala doma Lidzii Jarmošynaj u Minsku budzie vydatny pikiet taksama, zaadno ŭ hości zojdziem, heta my možam». Zojdziem u hości da čałavieka, jaki nie čakaje, nie zaprašaŭ, a kali zojdziem — jak, prymusova? Heta ŭžo ŭvarvańnie ŭ žyllo, heta pahroza dziejańniem u suviazi z vykanańniem mnoj prafiesijnych abaviazkaŭ».

«Heta mirnyja pikiety pa zbory podpisaŭ? Hramadzianie, adumajciesia!

Padpisanty, jakija padtrymlivajuć pakazanuju asobu. Ci dla taho, kab pikiet byŭ pryznany niamirnym, mianie sapraŭdy treba «prystuknuć», naviedaŭšy mianie ŭ haściach? Dyk voś, ja padrychtavała chadajnictva ŭ Śledčy kamitet, dzie prašu razhledzieć dziejańni spadara Cichanoŭskaha, jahonaj inicyjatyŭnaj hrupy. Ale ŭ dadzieny momant heta havorycca ab kankretnaj asobie».

Ci nie ŭkładvajucca jaho dziejańni ŭ art. 191 Kryminalnaha kodeksa, u jakoj havorycca ab pieraškodzie praviadzieńniu vybaraŭ, pieraškodzie pracy CVK, u tym liku šlacham pahroz? Ja jak kankretnaja fizičnaja asoba, jak hramadzianin i słužbovaja asoba baču pahrozu ŭ suviazi z vykanańniem prafiesijnych abaviazkaŭ. Pryčym pahroza nie prosta, jana realnaja, da jaje rychtujucca. Tamu ja paprasiła Śledčy kamitet pravieryć, dać svaju pravavuju acenku i, pry nieabchodnaści, naturalna pryciahnuć hetuju asobu da kryminalnaj adkaznaści. Voś jašče niekalki słoŭ pra mirnych pikietach, darahija damy i spadary i ŭsie astatnija padpisanty.

Darečy, padpisanty, jakija aburylisia abraźlivymi vyrazami ŭ adnosinach da žančyn.

A vy što, zabylisia, što da hetaha, litaralna ŭ pačatku svajoj «pikietnaj» dziejnaści, spadar Cichanoŭski taksama paviedamiŭ, što naša kraina nie hatovaja abrać žančynu prezidentam. Dyk dzie listy ŭ SIZA? Dzie akcyi? Dzie taja akcyja? Dzie naohuł vaša abarona, spadaryni fieministki, mianie, pažyłoj žančyny, ad zamachaŭ? Heta mietady bratkoŭ z 90-ch, u nas nikoli nie čapali pryvatnaje žyćcio asob, jakija pracujuć u dziaržaparacie i zajmajucca palitykaj. Heta čysta z arsienała bandytaŭ z 90-ch hadoŭ, jakija, vyrašajučy pytańni biźniesu, pahražajuć pryvatnaha žyćcia hramadzian.

Voś što heta takoje. I dadzienaja asoba kimści tam rekłamujecca. U tym liku, našymi internet-resursami. Rabiaty, apamiatajciesia, bo revalucyjaniery nie cierpiać inšadumstva. Paśla mianie da vas pryjduć, kali vy napišacie nie toje, što treba. Tamu padumajcie ab abjektyŭnaści, ab spraviadlivaści i pra biaśpieku našaha hramadstva. Vybačajcie mianie za pryvatnaje mierkavańnie. Na žal, ja vymušana była źviarnucca, kab nie było nijakich pahałosak ŭ dačynieńni da mirnaj-niamirnaj dziejnaści, u dačynieńni da mahčymaści štości rabić na pikietach pa zbory podpisaŭ, a čaho nielha, — skazała Lidzija Jarmošyna.

Клас
0
Панылы сорам
0
Ха-ха
0
Ого
0
Сумна
0
Абуральна
0

Chočaš padzialicca važnaj infarmacyjaj ananimna i kanfidencyjna?