Sinhapur staŭ jašče adnoj krainaj, jakaja pryniała rašeńnie ab razdačy hrošaj nasielnictvu prosta tak. Ułady vydzielili 2,5 miljardy dalaraŭ u jakaści dapamohi ludziam na fonie pandemii karanavirusa. Ab hetym piša TASS sa spasyłkaj na vice-premjera, ministra finansaŭ krainy Chen Śvi Kit.

Pieršy pakiet byŭ vypłačany ŭ krasaviku. Jak adznačyŭ vice-premjer, druhi pakiet vypłat pačniecca z 18 červienia, jaho pamier budzie zaležać ad siaredniaha dachodu i składzie ad 300 da 600 sinhapurskich dalaraŭ (510 — 1020 biełaruskich rubloŭ). Akramia taho, siemji jak minimum z adnym dziciem, maładziejšym za 20 hadoŭ, atrymajuć dadatkova 300 sinhapurskich dalaraŭ, ludzi, starejšyja za 50 hadoŭ, taksama atrymajuć vypłaty ŭ pamiery 100 sinhapurskich dalaraŭ (170 rubloŭ).

Ułady adznačyli, što na padtrymku ekanomiki krainy vydzielena 20 pracentaŭ ad VUP (70,3 miljarda dołaraŭ).

Raniej paviedamlałasia, što hrošy vypłačvaje Japonija.

Клас
Панылы сорам
Ха-ха
Ого
Сумна
Абуральна

Chočaš padzialicca važnaj infarmacyjaj ananimna i kanfidencyjna?