Dziaržaŭnych uznaharod udastojeny pradstaŭniki roznych śfier dziejnaści. Adpaviednyja ŭkazy padpisaŭ Alaksandr Łukašenka, paviedamlaje BiełTA.

Ukazam №191 zaćvierdžana rašeńnie ab uznaharodžańni ordenami, miedalami i prysudžeńni hanarovych zvańniaŭ za šmathadovuju plonnuju pracu, uzornaje vykanańnie słužbovych abaviazkaŭ, vyklučnuju advahu i mužnaść, prajaŭlenyja ŭ baraćbie sa złačynnaściu i pry vyratavańni ludziej u čas pažaru, za značny ŭkład u ažyćciaŭleńnie pravasudździa i zabieśpiačeńnie zakonnaści, raźvićcio čyhunačnaha transpartu, mašynabudavańnia, vydavieckaj spravy i knihadrukavańnia, zasłuhi ŭ halinie sielskaj haspadarki, budaŭnictva, sacyjalnaj abarony, handlu, navuki, adukacyi, mastactva i kultury.

U pryvatnaści, ordenam «Za słužbu Radzimie» III stupieni ŭznaharodžany staršy opierupaŭnavažany pa asabliva važnych spravach śpiecyjalnaha padraździaleńnia pa baraćbie z teraryzmam «Ałmaz» Ministerstva ŭnutranych spraŭ Siarhiej Borys i načalnik 3-ha adździeła 1-ha ŭpraŭleńnia hałoŭnaha ŭpraŭleńnia pa narkakantroli i procidziejańni handlu ludźmi kryminalnaj milicyi MUS Alaksandr Vysocki.

Ordena Pašany ŭdastojeny namieśnik hienieralnaha dyrektara pa finansach AAT «Kieramin» Alena Natalevič i ślesar pa ramoncie ruchomaha sastavu łakamatyŭnaha depo Baranavickaha adździaleńnia Biełaruskaj čyhunki Alaksandr Pałujančyk.

Viadučyja majstry sceny Nacyjanalnaha akademičnaha teatra imia Janki Kupały Maryja Zacharevič i Arnold Pamazan uznaharodžany ordenam Francyska Skaryny.

Miedala «Za vyratavanaje žyćcio» ŭdastojeny kamandzir adździaleńnia pažarnaha avaryjna-vyratavalnaha pasta numar 14 Pietrykaŭskaha rajonnaha adździeła pa nadzvyčajnych situacyjach Alaksiej Jorš.

Zasłuhi šeraha supracoŭnikaŭ pravaachoŭnych orhanaŭ i Dziaržpahrankamiteta adznačany miedalami «Za adznaku ŭ achovie dziaržaŭnaj hranicy», «Za adznaku ŭ voinskaj słužbie» i «Za adznaku ŭ achovie hramadskaha paradku».

Vialikaja hrupa rabotnikaŭ roznych halin, dziejačy kultury, mastactva, navuki i adukacyi ŭdastojeny miedaloŭ «Za pracoŭnyja zasłuhi» i miedaloŭ Francyska Skaryny. Ukazam taksama prysvojeny hanarovyja zvańni Respubliki Biełaruś.

Łukašenka taksama padpisaŭ ukaz №192 ab uznaharodžańni šeraha rabotnikaŭ ahrapramysłovaha kompleksu ordenami i miedalami za šmathadovuju plonnuju pracu, vysoki prafiesijanalizm, asabisty ŭkład u raźvićcio sielskahaspadarčaj haliny i dasiahnieńnie vydatnych vytvorčych pakazčykaŭ.

Ordena Ajčyny II stupieni ŭdastojeny staršyni kaapieratyvaŭ «Fiadorski» Stolinskaha rajona i «Kałhas «Radzima» Białynickaha rajona Ryhor Dziamko i Alaksandr Łapacientaŭ adpaviedna.

Zasłuhi šeraha rabotnikaŭ sielhaspradpryjemstvaŭ adznačany ordenam Pašany. U ich liku — traktaryst-mašynist AAT «Pryniomanski» Navahrudskaha rajona Juryj Vitul, hałoŭny ahranom AAT «Morač» Kleckaha rajona Uładzimir Kisiel i dyrektar AAT «Chaciły-Ahra» Pastaŭskaha rajona Viačasłaŭ Kryštafovič.

Akramia taho, pradstaŭniki ahrapramysłovaha kompleksu ŭznaharodžany miedalami «Za pracoŭnyja zasłuhi» i hanarovymi zvańniami «Zasłužany rabotnik sielskaj haspadarki Respubliki Biełaruś».

Alaksandr Łukašenka taksama padpisaŭ rasparadžeńnie ab abjaŭleńni Padziaki prezidenta Respubliki Biełaruś. Za šmathadovuju plonnuju pracu ŭ padatkovych orhanach, značnyja dasiahnieńni ŭ prafiesijnaj dziejnaści jana abjaŭlena siami rabotnikam rehijanalnych inśpiekcyj i aparatu Ministerstva pa padatkach i zborach.

Za šmathadovuju navukova-piedahahičnuju dziejnaść, značny asabisty ŭkład u padrychtoŭku vysokakvalifikavanych navukovych rabotnikaŭ i ŭkaranieńnie navukajomistych technałohij u vytvorčaść Padziaka prezidenta abjaŭlena hałoŭnamu navukovamu supracoŭniku łabaratoryi mocnatokavaj elektroniki Instytuta jadziernych prablem Biełaruskaha dziaržaŭnaha ŭniviersiteta Uładzimiru Baryšeŭskamu.

Клас
Панылы сорам
Ха-ха
Ого
Сумна
Абуральна