Mahutnyja hulniavyja pracesary, 90-hiercavy ekran, zvyšchutkasnaja zaradka i ŭnikalny interfiejs realme UI, jaki moža pahruzić vas u dzen. U Minsku pradstaŭleny navinki ad brenda realme: usie madeli 6-j liniejki, ad 6I da 6 Pro, a taksama biudžetny S3. Heta sapraŭdnyja smartfony-supierhieroi, kožny ź jakich vałodaje svajoj supiersiłaj.
Tanny i niepatrabavalny S3 — supierhieroj-stachanaviec
Aparat atrymaŭ zvyšmahutny akumulatar jomistaściu 5000 mAh, jaki ŭ spałučeńni z aparatnymi i prahramnymi mahčymaściami ekanomii enierhii moža pryvieści da taho, što vy zabudzieciesia, kali ŭ apošni raz zaradžali svoj smartfon. Jon budzie praciahvać pracavać, ustaloŭvajučy pryjemnyja rekordy.
Dyjahanal ekrana ŭ hetaha supierhieroja — 6,5 cali. Jakaść dyspleja HD+ doryć kamfort i niezabyŭnyja ŭražańni niezaležna ad taho, što vy robicie: čytajecie, hladzicie filmy abo hulajecie ŭ videahulni.
Smartfon abstalavany pracesaram MediaTek Helio G70, jaki pracuje na taktavaj častacie da 2,0 HHc. Heta zabiaśpiečvaje chutkuju i płaŭnuju pracu devajsa.
Cana realme C3 dla biełaruskaha rynku: viersija 2 HB AZP + 32 fłeš-pamiaci — 339 rubloŭ, 3+32 — 359 rubloŭ, 3+64 — 389 rubloŭ.
Supierhieroj hulniaŭ — heta pra małodšaha brata 6-j sieryi, realme 6i
Smartfon abstalavany śpiecyjalnym hiejmierskim pracesaram MediaTek Helio G80 SoC. 8-jadzierny pracesar z častatoj da 2,0 HHc daje na 35% lepšuju adnajadravuju pradukcyjnaść i na 17% — šmatjadravuju, čym papiaredniaje pakaleńnie. Hrafičny pracesar Mali G52 1000 MHc taksama pavyšaje pradukcyjnaść na 25%. Vynik — bolš vysokaja jakaść malunka i stabilnaja častata kadraŭ.
Smartfon abstalavany 48-miehapiksielnaj AI Quad-kamieraj sa zvyššyrokavuhalnym abjektyvam i 16-miehapiksielnaj sełfi-kamieraj z ekskluziŭnym ałharytmam AI Beauty. Jon moža intelektualna raspaznavać tvary i nakładać efiekty pryhažości.
U Biełarusi hety telefon budzie kaštavać: 3+64 — 469 rubloŭ, 4+128 — 529 rubloŭ.
Realme 6 — heta supierhieroj sacsietak, u pieršuju čarhu — TikTok!
6,5-calevy smartfon paraduje 64-miehapiksielnaj kvadrakamieraj z šyrokavuholnikam, 16-miehapiksielnaj sełfi-kamieraj i funkcyjaj UIS-videastabilizacyi. Uvohule, jość usio nieabchodnaje dla zdymki kantentu. I nie varta bajacca razradzić batareju: aparat zabiaśpiečany chutkaj zaradkaj u 30 Vt i nabiraje 100% usiaho za hadzinu. Vy zaŭsiody paśpiejecie zachavać usio samaje cikavaje: razbłakiroŭka telefona z dapamohaj skaniera adbitkaŭ palca zajmaje ŭsiaho 0,29 siekundy.
Amatary mabilnych hulniaŭ taksama aceniać «šaściorku». Devajs abstalavany hulniavym šaścijadravym pracesaram MediaTek Helio G90T SoC z vysokaj pradukcyjnaściu.
«Šaściorka», smartfon siaredniaha canavoha siehmienta, atrymała 90-hiercavy ekran. Raniej padobnym mahli pachvalicca tolki topavyja madeli telefonaŭ.
Ceny dla Biełarusi: ad 649 rubloŭ (4+128) da 729 rubloŭ (8+128).
I, narešcie, supierhieroj supierhierojaŭ — realme 6 pro
Heta, jak śćviardžaje vytvorca, pieršy ŭ śviecie smartfon z mabilnaj płatformaj Qualcomm Snapdragon 720G.
Pro-viersija krychu bolšaja za «šaściorku»: pamier ekrana — 6,6 cali. Smartfon abstalavany 64-miehapiksielnaj AI Quad kamieraj z 20-kratnym hibrydnym zumam i ultrašyrokavuholnym abjektyvam. Taksama aparat atrymaŭ supraćudarny ekran Corning Gorilla Glass 5, abaronu ad pyrskaŭ i chutkuju 30 Vt zaradku.
U Biełarusi košt realme 6 pro składzie 839 rubloŭ (8+128). Heta nižej za anansavanyja tydzień tamu ceny dla Jeŭropy (350 jeŭra).
Usie «supierhieroi» 6-j sieryi atrymali karystalnicki interfejs Realme UI, zasnavany na Android 10. Jon raspracavany z ulikam pieravah i estetyki maładych spažyŭcoŭ.
Interfiejs paraduje režymam Dual Mode Music Share: dva karystalniki mohuć adnačasova prasłuchoŭvać adno i toje ž videa ci pieśniu z adnoj i toj ža pryłady. Heta mahčyma, kali adnačasova padklučyć paru biespravadnych navušnikaŭ i pravadnyja. Cikavy i režym fakusiroŭki, jaki možna nazvać «funkcyjaj dzen»: sistema całkam izaluje vas ad źniešniaha śvietu i ŭklučyć rassłablalnuju muzyku.
Dziakujučy aptymizacyi interfejsu, na 25% paskorana zahruzka dadatkaŭ, termin słužby batarei pavialičany na 10%, a spažyvańnie enierhii ŭ načny čas u režymie čakańnia pamienšana na 35%. Taksama na 35% źmienšana zatrymka vodhuku sensarnaha ekrana, a hulniavaja pradukcyjnaść pavialičana na 20%.
Z 26 maja smartfony realme 6 i realme 6 pro dastupnyja dla pieradzamovy. Pieršyja prodažy ŭsich madelaŭ płanujucca ŭ pieršaj pałovie červienia.
