Patencyjny kandydat u prezidenty Viktar Babaryka padčas vystupu na svaim jutub-kanale adreahavaŭ na niadaŭnija zajavy Alaksandra Łukašenki, zroblenyja 4 červienia.
«Niechta, nie važna chto, prysvoiŭ sabie prava havaryć ad imia krainy. Chtości ličyć, što biełarusy — jaho pryhonnyja, jakimi možna rasparadžacca. Ja chaču skazać, što biełarusy — heta nacyja z bahataj historyjaj… Biełarusy sami vyznačali zaŭsiody svajo žyćcio. I nichto nie maje prava prysvojvać našu krainu.
Chtości nas pałochaje ahresijaj, krovapralićciom i achviarami. Ja mahu dakładna skazać, biełarusy — mirnyja ludzi. Jany nie dapuściać nijakaha krovapralićcia, ad kaho b hetaja pahroza nie išła. I biełarusy majuć siły, kab pastavić na miesca luboha čałavieka abo lubuju hrupu ludziej, jakaja abvieścić siabie ŭ pravie stralać, rasstrelvać i pahražać krovapralićciom ułasnamu narodu», — skazaŭ Babaryka.
