Biełaruskaja tenisistka Aryna Sabalenka ŭ efiry svajho Instagram pahutaryła ź Julijaj Pucincavaj. 22-hadovaja Sabalenka padzialiłasia mierkavańniem ab raspaŭsiudzie karanavirusa ŭ Biełarusi. Na razmovu źviarnuła ŭvahu «Trybuna».
— Što ŭ vas tam za mituśnia? Jość karanavirus, niama?
— Nie, karanavirus abyšoŭ Biełaruś, jon nie dasiahnuŭ nas.
— Ty jaho tak i nie ŭbačyła?
— Tak. Dzie jon, jaho nie vidać ža! Jon baicca nas, biełarusaŭ [śmiajecca]. Nasamreč, u nas tak dobra, što ŭsio adkryta, možna niejak isnavać. A jak u Majami?
— Kažuć, ličby pavyšajucca, a ja jaho nie baču.
— My taksama jaho nie bačym. Voś ty možaš jaho pamacać? Ja nie mahu. Voś i niama karanavirusa [śmiajecca]. U nas naohuł narod — ja ŭ šoku. U luby handlovy centr zajazdžaješ — poŭnaja parkoŭka, naroda dachalery, nichto ničoha nie baicca, usiudy chodziać, biasstrašnyja. Nu ja taksama tak staŭlusia. Nu, blin, pierachvareju — pierachvareju. Kali ŭžo nakanavana — hetaha nie paźbiehnieš. Ja na antycieły rabiła test — ja ž dumała, što vidavočna, dakładna pierachvareła, taki stan u Čžuchai byŭ, dumała, 100%. Nifiha! Niama ŭ mianie nijakich antyciełaŭ. Zdarovaja, usio narmalna.
— Ja taksama chvareła ŭ kancy taho hoda. Pa ŭsich simptomach — karanavirus. U listapadzie. Nu nie viedaju.
— Nu naohuł kažuć, što hetyja antycieły mohuć doŭha nie trymacca. Heta značyć, my mahli pierachvareć, prosta antycieły doŭha nie pratrymalisia, — skazała Sabalenka.
