Zatrymanyja 5 červienia ŭ Mazyry aŭtar kanała «Mazyr dla žyćcia» Alaksandr Cukanaŭ i Dzianis Kołas atrymali pa 15 sutak administracyjnaha aryštu. Na taki ž termin asudžany fiermier Alaksandr Vianhura, paviedamlaje spring96.org.

Pra toje, što Cukanaŭ i Kołas atrymali pa 15 sutak, paviedamili siabry asudžanych. Pa jakim artykule jany byli asudžanyja, pakul nieviadoma. Ciapier pravaabaroncy sprabujuć vyśvietlić abstaviny sudovych pracesaŭ.

Viadoma tolki, što Cukanava zatrymlivali siłaviki ŭ čornych maskach, załamali jamu ruki i zakinuli ŭ sierabrysty aŭtamabil Skoda. Za dzień da zatrymańnia jon pravioŭ u milicyi kala dziesiaci hadzin, paśla čaho jaho vypuścili. A na nastupny dzień zatrymali znoŭ.

U druhoj pałovie dnia ŭ piatnicu byŭ taksama zatrymany fiermier Alaksandr Vianhura, siužet pra jakoha zdymaŭ błohier Siarhiej Cichanoŭski. Jon pajšoŭ u adździaleńnie milicyi, kab zabrać kanfiskavany padčas pieratrusu noŭtbuk. Fiermiera zatrymali.

Клас
0
Панылы сорам
0
Ха-ха
0
Ого
0
Сумна
0
Абуральна
0