Fota Nadziei Bužan
Takoje mierkavańnie patencyjny kandydat u prezidenty Valeryj Capkała vykazaŭ u intervju na Youtube-kanale «Barancava».
Capkała, znoŭ skazaŭ, što pieršy prezident maje prava na zvyčajnaje narmalnaje žyćcio, dzie, mahčyma, jamu varta było b pakinuć adnu ź jaho 17-18 rezidencyj, dzie jon moh by vyroščvać bulbu, kavuny, karovak — toje, što jamu padabajecca. Moh by zajmacca vykładčyckaj dziejnaściu abo kansultavańniem zajmacca, jak ja».
«Ale, viadoma, napeŭna, za dziaržaŭny košt, jak heta ŭ mnohich krainach śvietu pastupajuć. Mahčyma, dziaržava mahła b zabiaśpiečyć jaho achovaj — adzin-dva čałavieki. Bo nie ŭsim ludziam padabałasia, jak jon dziaržavaj kiruje. Nielha być śviatym na pasadzie pieršaj asoby. Tamu dla taho, kab paźbiehnuć mahčymaści fizičnaha hvałtu suprać čałavieka, ja dumaju, što niejkaja choć trochi achova pavinna być za im pakinuta», — miarkuje Capkała.
«My pavinny pasprabavać ruchacca narmalna, stanavicca narmalnaj cyvilizavanaj krainaj, dzie nie pomściać papiaredniamu kiraŭniku, a stvarajuć dla jaho, prynamsi, zvyčajnyja narmalnyja ŭmovy dla žyćcia», — dadaŭ jon.
