Rasijski «Pieršy kanał» u niadzielu ŭviečary pakazaŭ u efiry film Alaksieja Bałabanava «Brat 2» (filmu 20 hadoŭ u hetym hodzie), adnak zamiest finalnych citraŭ na ekranach źjavilisia kadry biesparadkaŭ u ZŠA paśla zabojstva palicyjantam afraamierykanca Džordža Fłojda. Na kanale heta nazvali ŭstupleńniem da prahramy «Vriemia», piša Bi-bi-si.
U momant pakazu za kadram praciahvała hrać pieśnia «Hudbaj, Amieryka» hurta «Naŭtyłus Pampilius», jakaja supravadžaje finalnyja citry karciny.
Paśla hetaha narezka płaŭna pieraciakła ŭ repartaž karespandenta kanała pra pratesty ŭ ZŠA i prahramu «Vriemia».
