112.by
Pra vypadak paviedamiła MNS.
Vyratavalnikam paviedamleńnie pra toje, što ŭ lesie kala stancyi Hałyniec Mahiloŭskaha rajona zabłudziłasia žančyna, pastupiła ŭ subotu ŭ 11:17.
Da miesca pošukaŭ vyjechali padraździaleńni MNS, u tym liku pošukava-vyratavalnaja hrupa Respublikanskaha atrada śpiecyjalnaha pryznačeńnia MNS pad kiraŭnictvam staršaha inžyniera Illi Bodnara.
U pošuku byli zadziejničany paradku 90 čałaviek: rabotniki MNS, MUS i Mahiloŭskaha lashasa, svajaki piensijanierki, a taksama vałanciory pošukava-vyratavalnaha atrada «Simuran» i Mahiloŭskaj abłasnoj arhanizacyi Čyrvonaha Kryža. Psichałahičnuju dapamohu rodnym žančyny akazvaŭ psichołah MNS. Pošuki vialisia jak na ziamli, tak i z pavietra pry dapamozie kvadrakoptara.
7 červienia ŭ 18:45 była vyjaŭlenaja žanočaja sumka z asabistymi rečami piensijanierki. A ŭ 20:00 zvodnaj hrupaj, jakaja składajecca z rabotnikaŭ pošukava-vyratavalnaj hrupy RASN MNS i Mahiloŭskaha rajonnaha padraździaleńnia MNS, — i sama žančyna. Paśla ahladu miedycynskimi rabotnikami MNS jaje dastavili ŭ balnicu. Pavodle papiaredniaj infarmacyi, piensijanierka pakutuje na cukrovy dyjabiet, tamu jaje žyćciu pahražała surjoznaja niebiaśpieka.
— U pieršy dzień pračasali čyhunačnyja rejki i najbližejšyja vioski. Vielmi dapamahła pielenhacyja vyšak suviazi. Heta istotna zvuziła koła pošukaŭ, — raspaviadaje Illa Bodnar. — U adnym z kvadrataŭ ratavalniki znajšli rečy žančyny, adnak jaje ślady pastajanna hublalisia. Mnoj było pryniata rašeńnie vybudavać łancužok z rabotnikaŭ RASN i mahiloŭskich vyratavalnikaŭ u kolkaści 10 čałaviek dla pračesvańnia miascovaści pablizu.
I hetaja taktyka pošuku chutka dała svoj vynik: na praciahu hadziny ŭdałosia vyjavić źniasilenuju žančynu, jana lažała na ziamli. Jana skardziłasia na drennaje samaadčuvańnie i na bol u nahach. My apieratyŭna na rukach vynieśli paciarpiełuju ź lesu i pieradali miedykam MNS. Žančynu znajšli za 5 km ad čyhunačnaj stancyi. A ŭsiaho ž za čas vyratavalnaj apieracyi pošukava-vyratavalnaj hrupaj RASN MNS było projdziena na kvadracykle i ŭ piešym paradku kala 70 km lasnych ściežak, lasnych daroh i lesu.
