22-hadovaja Nastaśsia Małaščanka adpracavała piedahoham mienš za hod.

Dziaŭčyna žyła razam z baćkam ŭ Jelsku, a pracavała ŭ škole susiedniaj vioski Vałaŭsk. Nastaśsia skončyła Mazyrski pieduniviersitet imia Ivana Šamiakina, pracavać pačała jašče padčas vučoby. Maładaja nastaŭnica vykładała chimiju i bijałohiju.

«Mianie pryniali ŭ škole jak rodnuju, — raspaviała Nastaśsia miascovamu vydańniu «Narodny hołas». — Sprava ŭ tym, što, byŭšy na čaćviortym kursie ŭniviersiteta, ja całkam paśpiachova sumiaščała vučobu i pracu ŭ vałaŭskaj škole, dzie ŭ toj čas patrabavaŭsia nastaŭnik chimii i bijałohii. Pryznajusia, pieršyja kroki ŭ prafiesii davalisia mnie nialohka. Mianie raździrali padvojnyja pačućci. Z adnaho boku — cikava było rychtavacca da ŭrokaŭ, mieć znosiny z vučniami, razam ź imi šukać adkazy na adviečnyja pytańni: «Što takoje dabro?» i «Što takoje zło?». Ź inšaha boku — pieražyvała, kab jany zasvoili materyjał, kab dzieciam cikava było na maich urokach. Bajałasia pamylicca, nie spravicca sa svajoj pracaj, upuścić štości važnaje, nie apraŭdać čakańniaŭ vučniaŭ i ich baćkoŭ. Dziakuj, viadoma ž, starejšym kaleham i dyrektaru za razumieńnie i padtrymku, za słušnyja parady i nienadakučlivyja padkazki.

Na ščaście, užo tady zrazumieła, što na pravilnym šlachu, što vučyć dziaciej mnie padabajecca, i što, niahledziačy ni na što, ja lublu svaje pradmiety — chimiju i bijałohiju. Chimičnyja reakcyi i zadačy, šmatstajny śviet žyvych istot, jakija ŭzajemadziejničajuć z navakolnym asiarodździem, cikavyja mnie nie tolki jak nastaŭniku».

U kancy krasavika Nastaśsia zachvareła — pačynałasia ŭsio jak zvyčajnaja prastuda.

«Jana pierastała chadzić na pracu. Ale spačatku ŭsio było nie tak surjozna. Z časam raźvilisia niejkija ŭskładnieńni, jak kažuć, moža, ad niejkich miedykamientaŭ… U vyniku pačałasia pnieŭmanija», — kažuć kalehi maładoj nastaŭnicy.

Nastaśsiu špitalizavali. Spačatku jana lažała ŭ jelskaj balnicy, paśla jaje pieraviali ŭ Homiel. Ale vyratavać dziaŭčynu nie zmahli, dniami jana pamierła.

«Dakładnaja pryčyna śmierci pakul nieviadomaja. Ale karanavirusa ŭ jaje nie było dakładna — rabili niekalki testaŭ, usie admoŭnyja. Tamu chavać buduć u adkrytaj trunie, na raźvitańnie pajeduć piedahohi», — kažuć u škole.

Pachavajuć Nastaśsiu Małaščanka 9 červienia.

Клас
0
Панылы сорам
0
Ха-ха
0
Ого
0
Сумна
0
Абуральна
0

Chočaš padzialicca važnaj infarmacyjaj ananimna i kanfidencyjna?