Stanisłava Damšel 29 maja pryjšła na Savieckuju płošču ŭ Hrodnie, kab pastavić podpis za vyłučeńnie Śviatłany Cichanoŭskaj. Kali pačalisia zatrymańni, da noh žančyny ŭpaŭ supracoŭnik milicyi. Druhi, sa słoŭ Stanisłavy, šturchnuŭ jaje i parvaŭ sumku. Zaraz Stanisłavu abvinavačvajuć u chulihanstvie, da jaje dadomu prychodziać supracoŭniki milicyi, piša hrodna.life

Žančyna nie vychodzić da supracoŭnikaŭ i nie vieryć im. Nijakich dakumientaŭ u milicyjantaŭ jana nie brała. Kaža, nasłuchałasia i nahladziełasia za apošni čas.

9 červienia da jaje prychodzili trojčy: pieršy raz milicyjant u formie, potym dva razy supracoŭniki ŭ cyvilnym adzieńni. Razmaŭlali ź joj praź dźviery, a potym praz bałkon.

Pa słovach Stanisłavy, prychodziŭ nie ŭčastkovy — jaho jana viedaje. Nijakich dakumientaŭ supracoŭniki nie pakazvali. Žančyna kaža, što spačatku joj prapanoŭvali prajechać ź imi, a ŭ druhi raz skazali, što suprać jaje zaviali administracyjnuju spravu pa artykule 17.1 KaAP. Jaje vinavaciać u drobnym chulihanstvie.

«Da ich tolki vyjdzi - adrazu zatrymlivajuć. A ja na samaizalacyi doma i nikoha nie puskaju, — kaža Stanisłava. — Ja im skazała, što nikomu ničoha nie pavinna i padpisvać ničoha nie budu. Za ŭsio svajo žyćcio ni adnaho čałavieka nie ŭdaryła i nie pakryŭdziła. Za što na mianie zaviali spravu?»

«U hety dzień [29 maja] ja niečakana stała śviedkaj, kali biedny i maleńki milicyjant ŭpaŭ da maich noh. A druhi, jaho kaleha, jak ja pamiataju, tak uciakaŭ, što šturchnuŭ mianie z usioj siły, kinuŭšy siabra na asfalcie i kryčaŭ ŭ racyju «AMAP! AMAP!». Parvaŭ mnie sumku. Jon bačyŭ, što jaho siabar valajecca na asfalcie, ale jamu było ŭsio roŭna. Ja była ŭ šoku ad usiaho hetaha i dobra, što mianie zzadu niechta padtrymaŭ. Tak by i ja ŭpała. Zaraz u 63 hady mianie chočuć zrabić chulihankaj».

Stanisłava kaža, što milicyjant, ź jakim jana razmaŭlała praz bałkon 9 červienia, zdaŭsia joj adekvatnym. Jon raspavioŭ žančynie, u čym jaje abvinavačvajuć, i zapisaŭ jaje pakazańni na dyktafon.

«Jon mnie skazaŭ, što pavodle hetaha artykułu mnie pahražaje štraf ad 2 da 30 bazavych vieličyń abo 15 sutak aryštu. Voś tolki za što ŭsio heta?»

Клас
Панылы сорам
Ха-ха
Ого
Сумна
Абуральна

Chočaš padzialicca važnaj infarmacyjaj ananimna i kanfidencyjna?