U pačatku 2019 hoda muža i žonku sa Žłobina pazbavili baćkoŭskich pravoŭ u dačynieńni da ich dački, 2018 hoda naradžeńnia, ź sindromam Daŭna. Padstava — admova ad dziciaci. Ź ich pačali spahaniać vydatki na jaje ŭtrymańnie, paviedamlaje prakuratura.
U krasaviku 2019 hoda sud pastanaviŭ pamienšyć na 90% sumu, jakaja spahaniajecca ź bijałahičnych baćkoŭ na ŭtrymańnie dziciaci. Rašeńnie abhruntavana tym, što heta paharšała materyjalnaje stanovišča niepaŭnaletniaha syna muža i žonki.
U prakuratury vyśvietlili, što siamja pražyvała va ŭłasnaj dobraŭparadkavanaj dvuchpakajovaj kvatery. Žonka pracavała ŭ dziaržaŭnaj ustanovie, a jaje 34-hadovy muž byŭ aformleny na 0,25 staŭki ŭ svajoj maci — indyvidualnaha pradprymalnika z zarobkam 85 rubloŭ. Maci dziaŭčynki taksama źjaŭlałasia indyvidualnym pradprymalnikam, a baćka — zasnavalnikam tavarystva z abmiežavanaj adkaznaściu. Va ŭłasnaści ŭ siamji jość hruzavy aŭtamabil Mercedes-Benz.
Akramia taho, muž i žonka razam z synam letam 2019 hoda, paśla źmieny sudom pieršapačatkovaha rašeńnia, arhanizavali siamiejny adpačynak z avijapieralotam na marskoje ŭźbiarežža.
Z pary buduć i dalej spahaniać hrošy na ŭtrymańnie dziaŭčynki.
