Spačuvańnie ŭ suviazi sa śmierciu aficera apublikavała Ministerstva abarony. Jak patłumačyła aficyjny pradstaŭnik viedamstva Natalla Haŭrusik, pryčynaj śmierci staŭ suicyd, piša Tut.by.
«Ministerstva abarony vykazvaje spačuvańni rodnym i blizkim majora Śviryda I. D. u suviazi ź jaho śmierciu. Vajennaje viedamstva akaža siamji aficera nieabchodnuju dapamohu», — havorycca ŭ spačuvańni.
Pa słovach Natalli Haŭrusik, suicyd ździejśniŭ načalnik słužby adnoj ź miechanizavanych vajskovych čaściej 1988 hoda naradžeńnia.
U Minabarony adznačyli, što z etyčnych mierkavańniaŭ i pavahi da siamji zahinułaha prosiać ŚMI nie raspaŭsiudžvać niepraŭdzivuju infarmacyju.
— Havorka nie idzie pra niejkaje źniknieńnie bojeprypasaŭ sa składa, jak pra heta napisaŭ adzin z telehram-kanałaŭ.
Heta ŭžo druhi padobny vypadak za apošnija dva dni. Napiaredadni Ministerstva abarony paviedamiła, što ad ahniastrelnaj traŭmy zahinuŭ radavy zienitnaj rakietnaj bryhady.