Na sajcie KUVP «Baranavičykamunciepłasietka», jak i na sajtach inšych baranavickich pradpryjemstvaŭ, jość mahčymaść vybaru movy. Ale kali z ruskaj viersijaj usio dobra, to pry vybary biełaruskaj sajt pavodzić siabie dziŭna, adznačaje Intex-Press.
Mahčymaść vybaru movy — ruskaj abo biełaruskaj — paznačanaja adpaviednymi ściažkami ŭ mieniu sprava. Biełaruski ściažok pry naciskańni spracoŭvaje, ale častkova. A słovy pierakładaje, chutčej, na «trasianku», čym na biełaruskuju movu.
«Jedzinaja dyśpietčerskaja słužba», «budni i prazdniki pradpryjemstva», «acenicie, požałujsta, pracu našoho pradpryjemstva», — tak pierakładaje sajt «Kamunciepłasietki» ruskamoŭnyja materyjały na biełaruskuju movu.
Darečy, «pierakład» spracoŭvaje tolki ŭ mieniu sajta, usie materyjały ŭnutry zastajucca ruskamoŭnymi.
