U italjanskaj pravincyi Bierhama praviali vybaračnaje testavańnie žycharoŭ na antycieły da karanavirusa, i jano pakazała stanoŭčy vynik u 57% pratestavanych, paviedamlaje Reuters.
Usiaho ŭ pieryjad z 23 krasavika pa 3 červienia na antycieły ŭ Bierhama pratestavali 20 369 čałaviek.
U 57% z 9965 žycharoŭ vyjavili antycieły. Heta značyć, što jany kantaktavali z karanavirusam.
Bolšaść ludziej z vybarki byli žycharami najbolš paciarpiełych rajonaŭ. Mnohija ź ich byli pad karancinam.
Pavodle aficyjnych źviestak, ad karanavirusa pamierli 3100 žycharoŭ pravincyi Bierhama, abo 0,3% nasielnictva.
