Pavieł Znaviec — były deputat Viarchoŭnaha savieta, adzin z najbolš prafiesijnych zborščykaŭ podpisaŭ u Biełarusi. Padčas kampanii 2010 hoda Znaviec sabraŭ bolš za 5000 podpisaŭ u padtrymku Jarasłava Ramančuka. Jon stajaŭ u pikietach ad 9-j ranku da 9-j viečara. «Heta była praca na znos», — kaža Znaviec.

Pavieł Znaviec, fota «Radyjo Svaboda»

Pavieł Znaviec, fota «Radyjo Svaboda»

«NN» paprasiła spadara Paŭła padzialicca svaimi nazirańniami ad sioletniaj kampanii pa zbory podpisaŭ. Ci vieryć jon ličbam, što nazyvajuć štaby kandydataŭ?

«Pa maich nazirańniach i apytańniach znajomych, u Kanapackaj i Dźmitryjeva papracavali 2-3 pikiety niekalki dzion. Heta značyć, što Dźmitryjeŭ sabraŭ 1500 podpisaŭ, nie bolej. Kanapackaja, moža, trochu bolej — 2-3 tysiačy. Ale pamnažać hetuju ličbu amal u 100 razoŭ, nu prabačcie…

Padpisvajucca tolki za Babaryku, Cichanoŭskuju i Capkału. Ludzi nastolki ŭžo parazumnieli ŭ suviazi ź situacyjaj z karanavirusam, viedajuć pra astatnich kandydataŭ, što jany — pustoje miesca.

Andrej Dźmitryjeŭ na pikiecie, fota Nadziei Bužan

Andrej Dźmitryjeŭ na pikiecie, fota Nadziei Bužan

A tak Dźmitryjeŭ i Kanapackaja prosta pijaracca, na niešta spadziajucca. Moža, Kanapackaja spadziajecca, kali Łukašenka ŭsich razhonić, to pra jaje ŭspomnić, niejkuju pasadu prapanuje. Ale na moj pohlad, kali katok pajšoŭ, to jaho ŭžo nie spynić.

Capkała i Babaryka, dumaju, sapraŭdy sabrali. Ja asabista sabraŭ za Babaryku 210 podpisaŭ. Moj siabra — 240. Ja na čatyry pikiety chadziŭ. Prosta na entuzijaźmie schadziŭ, bo ŭžo abrydła. Kali navat pałova inicyjatyŭnaj hrupy źbiare pa 50 podpisaŭ, to ŭžo budzie nieabchodnaja kolkaść.

U Babaryki infarmacyja dakładnaja. Ja byŭ u jaho štabie. Usio pracuje jak miechanizm, dakładna, akuratna. Ja ŭ adnym podpisie hod naradžeńnia nie prastaviŭ, adrazu ŭsio zaŭvažyli. Małajcy, chłopcy i dzieŭki. Tam pytańniaŭ nie budzie.

Capkała taksama nie durny, a astatnija — łuchta.

Jość dva realnyja kandydaty, jakija sabrali. Nu i Cichanoŭskaja, dumaju, źbiare. U ich tolki padpisčykaŭ «Krainy dla žyćcia» 300 tysiač. Dumaju, tysiač 120-130 u jaje budzie.

Ličby Čeračnia — taksama łuchta. Kupiŭ u Šuškieviča tusovačku z 10 čałaviek, jakija tam 100 tysiač podpisaŭ?»

Клас
0
Панылы сорам
0
Ха-ха
0
Ого
0
Сумна
0
Абуральна
0

Chočaš padzialicca važnaj infarmacyjaj ananimna i kanfidencyjna?