U Licei BDU padviali vyniki pryjomnaj kampanii. Ahulny konkurs skłaŭ 6,6 čałavieka na miesca. Najbolšaja kolkaść dakumientaŭ pryniata ŭ bijałahičnyja kłasy — 286. Konkurs tut skłaŭ 6,5 čałavieka na miesca, piša «Źviazda».

U matematyčny kłas zarehistravalisia 217 abituryjentaŭ (konkurs — 9,9 čałavieka na miesca), fizičny — 208 (konkurs — 9,5), humanitarny — 198 (konkurs — 9), infarmatyka-matematyčny — 165 (konkurs — 7,5), chimičny — 119 (konkurs — 5,4), historyka-hramadaznaŭčy — 90 (konkurs — 4,1), fiłałahičny — 69 (konkurs — 3,1).

U hetym hodzie ŭpieršyniu pravodziŭsia nabor pa troch novych profilach navučańnia: ekanamičnym, infarmatyka-fizičnym i linhvistyčnym. Pieršy aryjentavany na vyvučeńnie matematyki i anhlijskaj movy, druhi — na fiziku i infarmatyku, treci — na historyju Biełarusi i anhlijskuju movu. U hetyja kłasy konkurs skłaŭ adpaviedna 8,7, 4,9 i 3,9 čałavieka na miesca.

Zaličeńnie ŭ licejskija kłasy ažyćciaŭlałasia pa vynikach dvuch piśmovych ustupnych vyprabavańniaŭ. Pry pastuplenni na humanitarny profil nieabchodna było nabrać 151 bał, bijałahičny — 138, historyka-hramadaznaŭčy — 120, fiłałahičny — 105, matematyčny — 104, chimičny — 96, linhvistyčny — 92, matematyčny — 87, chimičny — 84, infarmatyka-matematyčny — 75, infarmatyka-fizičny — 69, fizičny — 61.

Usiaho ŭ Licej BDU ŭ 10-ja kłasy byli pryniatyja 264 navučency, ź ich sfarmiravanyja 12 kłasaŭ pa 22 čałavieki. Siarod budučych liceistaŭ 73% składajuć žychary stalicy i 27% — pradstaŭniki z usich abłaściej Biełarusi.

Клас
Панылы сорам
Ха-ха
Ого
Сумна
Абуральна