Zdareńnie adbyłosia ŭ vioscy Miłaški, tam 13 červienia zhubiłasia 3-hadovaja dziaŭčynka, paviedamlaje kraj.by.

Aficyjny pradstaŭnik Viciebskaha abłasnoha ŭpraŭleńnia ŭnutranych spraŭ Volha Škuratava raspaviadaje:

— Siamja dziaŭčynki žyvie ŭ Minskaj vobłaści. U Miłaški jany ŭsie razam pryjechali na daču. 13 červienia pryblizna ŭ 12.00 dziaŭčynka vyjšła sa svajho dvara, pajšła nibyta da susiedki i prapała. Spačatku na praciahu hadziny svajaki šukali dzicia samastojna, potym źviarnulisia ŭ milicyju. Da pošukaŭ padklučylisia ratavalniki, našy supracoŭniki, pamiežniki, a taksama miascovyja žychary.

Na ŭskrainie Miłašak žyvie Śviatłana Kapytok. Pra źniknieńnie dziaŭčynki žančyna daviedałasia ad svajho syna. Jana sieła na rovar i pajechała ŭ bok lesu na pošuki dziciaci.

— Pa niejkich śladach, pa prykamiečanaj travie Śviatłana jechała ŭ tym napramku, u jakim, jak miarkujecca, syšła dziaŭčynka, — raspaviadaje Volha Škuratava, — i ŭ vyniku znajšła jaje, zapłakanuju, u lesie. Kala 14.30 nam pastupiła paviedamleńnie, što dzicia znojdziena. Ź dziaŭčynkaj usio dobra. Vyśvietliłasia, što ad svajho doma jana za dźvie z pałovaj hadziny prajšła kala 5 kiłamietraŭ. Milicyja źbirajecca zaachvocić Śviatłanu Kapytok za adkaznaść i nieabyjakavaść.

Клас
Панылы сорам
Ха-ха
Ого
Сумна
Абуральна