U Breście zatrymany błohier, pradstaŭnik vybarčaha štaba Śviatłany Cichanoŭskaj i aktyvist ruchu pa baraćbie z akumulatarnym zavodam Alaksandr Kabanaŭ. Pra heta «BH» paviedamiŭ pravaabaronca Raman Kiślak. Nahadajem, niadaŭna Kabanaŭ pierachvareŭ na karanavirus.

«Aktyvisty ruchu pa baraćbie z zavodam vieźli jaho ŭ palikliniku — jaho tudy vyklikali. Jon jaje naviedaŭ. Stali pastupać padazronyja zvanki. Kabanaŭ pakinuŭ telefon i pasprabavaŭ syści ad pieraśledu, kala 16.00 źnik. Paźniej my vyśvietlili, što jaho adpravili ŭ IČU Leninskaha RAUS», — raspavioŭ pravaabaronca.

Pryčyna zatrymańnia pakul što nieviadomaja. Raman Kiślak vykazaŭ mierkavańnie, što heta moža być źviazana ź pieraśledami błohieraŭ pa ŭsioj krainie.

Клас
Панылы сорам
Ха-ха
Ого
Сумна
Абуральна