Dva tydni tamu ŭ Viciebsku pamior 62-hadovy vykładčyk mieduniviersiteta i łor Uładzimir Kunicki. A ŭ paniadziełak u balnicy nie stała jaho žonki Ludmiły. Pra heta «Našaj Nivie» raskazali svajaki siamji i kalehi.

Čytajcie taksama: «Vyjšaŭ z pałaty i straciŭ prytomnaść». U viciebskaj infiekcyjoncy pamior 62-hadovy doktar univiersiteckaj kliniki

Ludmiła Kunickaja. Fota ź siamiejnaha archivu.

Ludmiła Kunickaja. Fota ź siamiejnaha archivu.

Ludmile Kunickaj było 64 hady. Jana 35 hadoŭ adpracavała renthienołaham. Spačatku ŭ Viciebskaj haradskoj centralnaj kliničnaj balnicy, paśla — u 2-j haradskoj paliklinicy.

Dva tydni tamu žančynu špitalizavali ŭ «infiekcyjonku». 15 červienia jana pamiorła. Svajaki kažuć, što ŭ Ludmiły byŭ karanavirus. 

Jaje muž taksama lažaŭ u infiekcyjnaj balnicy z karanavirusam. Kali va ŭniviersitecie kalehi i studenty raźvitvalisia z vykładčykam, truna była zakrytaja.

Ludmiła i Uładzimir byli razam sa studenckich hadoŭ — vučylisia ŭ Viciebskim mieduniviersitecie. Paśla žyli ŭ Oršy: jon pracavaŭ doktaram u miedsančastcy lnokambinata, jana — vykładčykam u miedvučyliščy. Praź niekalki hod viarnulisia ŭ Viciebsk.

U daktaroŭ zastalisia dvoje darosłych dziaciej. Syn inžynier, a dačka pajšła pa baćkoŭskich śladach — vyvučyłasia na stamatołaha ŭ Viciebskim mieduniviersitecie.

Клас
Панылы сорам
Ха-ха
Ого
Сумна
Абуральна

Chočaš padzialicca važnaj infarmacyjaj ananimna i kanfidencyjna?