Fota spring96.org
Błohiera, aŭtara kanałaŭ «Narodny reparcior» i «Youtube-deputaty» Siarhieja Piatruchina zatrymali dniom 16 červienia, paviedamlaje spring96.org
Jon znachodziŭsia ŭ vioscy ŭ Puchavickim rajonie ŭ domie svajoj siabroŭki. Kab zatrymać błohiera, tudy pryjechali dva busa ź milicyjantami i z samaha ranku sačyli za domam. Pierad zatrymańniem jany paviedamili Piatruchina, što zabirajuć adbyvać jaho «nieadbytyja sutki».
Kudy mienavita pavieźli błohiera, pakul nieviadoma.
Napiaredadni ŭ Breście byŭ zatrymany paplečnik Piatruchina, błohier i pres-sakratar inicyjatyŭnaj hrupy Śviatłany Cichanoŭskaj Alaksandr Kabanaŭ. Zaraz jon znachodzicca ŭ izalatary časovaha ŭtrymańnia Leninskaha RAUS Bresta. Pryčyny zatrymańnia dahetul nieviadomyja.
