Praviły praviadzieńnia vybaraŭ u Biełarusi rehłamientujucca Kanstytucyjaj i Vybarčym kodeksam. Adnak u dadatak pierad kožnymi vybarami Centrvybarkam na čale ź Lidzijaj Jarmošynaj vydaje mietadyčny dapamožnik z padrabiaznymi rekamiendacyjami.
Pilnyja čytačy źviarnuli ŭvahu na niekatoryja źmieny ŭ paraŭnańni z 2019 hodam.
Ciapier dadatkova prapisanaja zabarona dla naziralnikaŭ fatahrafavać členaŭ kamisii i vybarcaŭ.
Lidzija Jarmošyna, fota Nadziei Bužan
Paraŭnajcie tekst:
2019 hod:
«Niahledziačy na toje, što Vybarčy kodeks nie ŭkazvaje na prava naziralnikaŭ ažyćciaŭlać fotazdymku ŭ pamiaškańni dla hałasavańnia, varta dazvalać naziralnikam pa ich prośbie zrabić niekalki fotazdymkaŭ. Pry hetym naziralnik nie pavinien stvarać pieraškody dla členaŭ učastkovaj kamisii i vybarščykaŭ. Staršynia ŭčastkovaj kamisii moža zahadzia vyznačyć miesca, ź jakoha dazvalajecca zrabić zdymki, raźmiaściŭšy tam pakazalnik «miesca dla fotazdymki».
2020 hod:
«Fota-, videazdymka ŭ pamiaškańni ŭčastkovaj kamisii ažyćciaŭlajecca naziralnikami ŭ nastupnym paradku:
staršynia ŭčastkovaj kamisii zahadzia vyznačaje miesca, ź jakoha naziralnikam dazvalajecca zrabić niekalki zdymkaŭ, jakija ilustrujuć praces hałasavańnia i padliku hałasoŭ. Pry hetym naziralnik nie pavinien stvarać pieraškody dla členaŭ učastkovaj kamisii i vybarščykaŭ. Staršynia kamisii moža zahadzia vyznačyć miesca dla takich zdymak, raźmiaściŭšy tam ukazalnik «miesca dla fotazdymki»;
fota-, videazdymka členaŭ učastkovaj kamisii, vybarščykaŭ bieź ich dazvołu i dazvołu staršyni ŭčastkovaj kamisii zabaraniajecca».
Hetaje pałažeńnie pa-raniejšamu nie raspaŭsiudžvajecca na pradstaŭnikoŭ ŚMI.
Čytajcie taksama: Naziralnik, jaki źniaŭ na videa ŭkid biuleteniaŭ u Breście, raskazaŭ usie padrabiaznaści historyi
