Supracoŭniki staličnaj milicyi zatrymali minčuka, jaki sprabavaŭ padpalić aŭtamabil svajho načalnika, paviedamlaje HUUS Minharvykankama.
Uładalnik paškodžanaha aŭto vykazaŭ zdahadku, što ŭ padpale moža być vinavaty jaho kaleha. Vyśvietliłasia, što 38-hadovy minčanin sapraŭdy da hetaha datyčny. Na praciahu doŭhaha času jon pracavaŭ na paciarpiełaha. Pamiž mužčynami časta ŭźnikali svarki z-za niavypłačanych hrošaj za vykananuju pracu.
Padčas čarhovaha takoha kanfliktu rabočy zapomniŭ aŭto, na jakim pierasoŭvajecca jaho kryŭdziciel. U toj ža viečar jon nakiravaŭsia da doma načalnika i, znajšoŭšy pobač ź im patrebnaje aŭto, abliŭ transpartny srodak zahadzia nabytaj vadkaściu dla raspalvańnia i padpaliŭ zapałkami. Adnak mašyna nie zaharełasia, i tady złamyśnik pačaŭ palić jaje asobnyja detali. U vyniku paškodziŭ koły, kapot i dach aŭto. Ahulnaja suma naniesienaj škody skłała kala 3 tysiač rubloŭ.
