Fota Nadziei Bužan
Pra heta pretendent u prezidenty, bankir i miecenat Viktar Babaryka zajaviŭ u intervju Forbs.
«Na hety momant maje namiery zaklučajucca ŭ tym, kab dajści da 9 žniŭnia i pieramahčy. Ja nie viedaju, jakija arhumienty i abstaviny zdolnyja źmianić maju pazicyju», — miarkuje jon.
Biezumoŭna, usie ryzyki praličyć nielha, ale asnoŭnyja my ŭličyli. My vydzielili niekalki klučavych etapaŭ z mahčymymi varyjantami. Pieršy: zdać bolš za 100 000 podpisaŭ prychilnikaŭ dla vyłučeńnia. Tut my abaviazany źnizić ryzyki, źviazanyja sa zboram, vieryfikacyjaj, zachoŭvańniem i zdačaj podpisaŭ. My płanavali zaviaršyć etap da 15 červienia, ale pieratrusy pryviali da taho, što i siońnia my nie možam spynić patok ludziej, jakija žadajuć pastavić podpis u maju padtrymku.
Na druhim etapie, z 19 červienia pa 14 lipienia, my abjavim ab novych inicyjatyvach, źviazanych z rehistracyjaj mianie ŭ jakaści kandydata. U mianie jość idei, jak praciahvać pracu padčas «etapu cišyni», kali finalnaje rašeńnie pavinien pryniać Centrvybarkam.
Treci etap — rehistracyja: mianie mohuć zarehistravać ci nie zarehistravać kandydatam.
My ličym druhi varyjant praktyčna vyklučanym, tamu što jon budzie aznačać faktyčnuju admienu vybaraŭ.
Bolš za toje, u historyi sučasnaj Biełarusi ni razu nie zdymali z vybaraŭ kandydata, jaki nabraŭ bolš za 100 000 podpisaŭ. Ale razam z tym my dapuskajem takuju vierahodnaść i majem scenar dziejańniaŭ u takim vypadku.
— Vy zapisali videazvarot, jaki budzie apublikavany ŭ vypadku vašaha zatrymańnia. Što heta — pryznańnie niazdolnaści pieramahčy na vybarach, dobraachvotnaja kapitulacyja ci strachoŭka?
— Pracytuju saviecki film: heta profession de foi — prafiesijnaja transfarmacyja. Ja 25 hadoŭ pracuju ŭ bankach, i bankaŭskaja śfiera — praca z ryzykami. Kali ty razumieješ ryzyki, ty abaviazany vybudavać sistemu ich kampiensacyi. Ryzyku zatrymańnia nielha vyklučać, i my zahadzia pryniali miery, jakija dazvalajuć dajści da vybaraŭ 9 žniŭnia, niahledziačy na abstaviny. Videa — adzin ź instrumientaŭ kampiensacyi ryzyki.
