Viktar Babaryka. Fota Nadziei Bužan.
Kolkaść podpisaŭ za vyłučeńnie ŭ prezidenty Viktara Babaryki vyrasła jašče na 40 tysiač i dasiahnuła 425 001.
Paviedamleńnie pra heta źjaviłasia na sajcie pretendenta.
Heta rekordnaja dla alternatyŭnaha kandydata kolkaść podpisaŭ. Raniej maksimum — 217 tysiač — sabraŭ u 1994-m, jašče na svabodnych vybarach, Zianon Paźniak. U Alaksandra Milinkieviča ŭ 2006-m było 198 tysiač. U Siamiona Domaša ŭ 2001-m — 164 tysiačy.
Jak pakazaŭ šerah apytańniaŭ, mienavita bankir i miecenat Viktar Babaryka moh by stać favarytam sumlennych vybaraŭ.
Babaryka sprabuje vybudavać šyrokuju antyłukašenkaŭskuju kaalicyju z udziełam samych roznych siłaŭ. Jaho kandydaturu padtrymała taksama nobieleŭskaja łaŭreatka Śviatłana Aleksijevič.
U apošni tydzień Alaksandr Łukašenka abrynuŭsia na Babaryku z pahrozami i abvinavačvańniami, nie nazyvajučy jaho, ale jasna ŭkazvajučy, pra kaho havorka. Heta adbyłosia paśla taho, jak stała jasna, što mienavita Babaryka nabiraje rekordnuju kolkaść podpisaŭ vybarcaŭ.
Adnačasova z napadkami Alaksandra Łukašenki ad 11 červienia ŭ kampanijach, źviazanych ź siabrami Babaryki, prajšli pieratrusy i zatrymańni.
«Rubikon piarojdzieny», — skazaŭ u suviazi z hetym Viktar Babaryka.
18 červienia suviaź ź Viktaram Babarykam i jahonym synam Eduardam, jaki ŭznačalvaje jaho inicyjatyŭnuju hrupu, źnikła. Jak miarkujecca, jany znachodziacca ŭ Departamiencie finansavych rasśledavańniaŭ Kamiteta dziaržaŭnaha kantrolu. Viadoma, što ŭ domie Babaryki ŭ Łahojskim rajonie pravodzicca pieratrus.
Čytajcie taksama: 425 001. Sumnaja historyja pra toje, što značyć heta adzinka
