Niahledziačy na zatrymańni i pieratrusy, u minskim štabie patencyjnaha kandydata ŭ prezidenty Viktara Babaryki praca kipić. Karespandent Jeŭraradyjo pabyvaŭ tam udzień 18 červienia. U štabie praciahvajecca pravierka sabranych podpisaŭ.
«My pracujem u štatnym režymie, praciahvajem pracu, nie mianiajem ničoha ŭ našaj dziejnaści, — kažuć tam. — Padlik, vieryfikacyja, padrychtoŭka hałasoŭ».
U čaćvier było zajaŭlena, što za vyłučeńnie Babaryki kandydatam u prezidenty ŭžo sabrana 425 tysiač podpisaŭ. Staršynia CVK Lidzija Jarmošyna paćvierdziła, što 150 tysiač podpisaŭ užo było zdadziena.
Na piatnicu zapłanavanyja pres-kanfierencyja i strym a 19-j. Tam pojdzie havorka pra dalejšyja dziejańni. «Ciapier my čakajem zajavu ad aficyjnych struktur pa pytańni zatrymańnia Viktara i Eduarda», — kažuć u štabie.
Viktar Babaryka i jaho syn Eduard, kiraŭnik jaho štabu, byli zatrymany ranicaj 18 červienia. Ich nie vyklikali pozvami, prosta spynili aŭtamabil i zatrymali.
