Pres-słužba Ministerstva ŭnutranych spraŭ Biełarusi abvierhła infarmacyju, što palitźniavoleny Pavieł Sieviaryniec uskryŭ sabie vieny ŭ znak pratestu suprać niaścierpnych umovaŭ utrymańnia.
«Kanvair na manitory videanazirańnia jašče tydzień tamu ŭbačyŭ, jak Sieviaryniec ciorsia rukoj ab kraty ŭ kamiery, — paviedamiła MUS. — Dziejańni byli spynienyja milicyjantam i vyklikany miedrabotnik, tolki dapamoha nie spatrebiłasia.
Dadatkova paviedamić niama čaho. Lubuju inšuju infarmacyju varta rasceńvać jak iłžyvuju.
Kiraŭnictvam HUUS Minharvykankama pryniata rašeńnie ab praviadzieńni pravierki pa fakcie raspaŭsiudžvańnia zaviedama łžyvaj infarmacyi», — paviedamlaje pres-słužba.
I prykładaje fota Paŭła Sieviarynca, jakoje, jak śćviardžajecca, było zroblenaje ŭ Centry izalacyi pravaparušalnikaŭ. Na pravaj ruce ŭ jaho vidać ci to drapina, ci to śled ad parezu:
Čytajcie taksama: Siabry Sieviarynca: jon uskryŭ vieny ŭ karcary ŭ znak pratestu suprać katavańniaŭ. Siamja: Pavieł padrapaŭ ruku
