Žurnalisty paprasili kiraŭnika KDK prakamientavać toje, što kryminalnuju spravu ŭ dačynieńni da top-mieniedžaraŭ Biełhazprambanka źviazvajuć z vybarčaj kampanijaj, jakaja prachodzić u krainie. «Hetyja padziei pamiž saboj nijak nie źviazany», — padkreśliŭ Ivan Cierciel, piša BiełTA.
Adkazvajučy na pytańni žurnalistaŭ, Ivan Cierciel taksama prakamientavaŭ zajavy Viktara Babaryki, što znojdzienyja ŭ zatrymanych pa hetaj spravie hrošy naležać jamu. «Sapraŭdy, Babaryka zajaviŭ, što hetyja hrošy naležać jamu. Razam z tym my dakładna viedajem z pakazańniaŭ zatrymanych asob, što hetyja hrašovyja srodki byli niezakonna vyviedzienyja ź Biełarusi pa sistemie afšoraŭ, zatym raźmierkavany pamiž udzielnikami supraćpraŭnaj dziejnaści ŭ adpaviednaści z raniej abumoŭlenymi pracentami», — rastłumačyŭ jon.
«Zdajecca, što Babaryka sprabuje pahulać u vysakarodnaść. My ŭ svaju čarhu viedajem, što lalkavody, jakija stajać za jaho dziejnaściu, aścierahajucca, što našy dziejańni pryviaduć da atrymańnia danych i paćviardžeńniu ich dačynieńnia da hetaj supraćpraŭnaj dziejnaści. Takimi asobami źjaŭlajucca, my viedajem, vialikija načalniki ŭ «Hazpromie», a moža być, i vyšej», — skazaŭ Ivan Cierciel.
