Staršynia Kamitetu dziaržaŭnaha kantrolu Ivan Tertel pryjechaŭ na sustreču z ambasadarami krain Eŭraźviazu, jakich 18 červienia zaprasili na sustreču ŭ MZS Biełarusi. Sustreča zaplanavanaja na 18.30, paviedamlaje Svaboda.
Temu razmovy pry zaprašeńni biełaruskija ŭłady nie nazvali, raspaviali Svabodzie pradstaŭniki ambasadaŭ troch eŭrapiejskich krain u Miensku.
Ivan Tertel admoviŭsia davać jakija-kolviek kamentary žurnalistam.
Ranicaj 18 červienia patencyjny kandydat u prezydenty Viktar Babaryka i jaho syn Eduard pierastali vychodzić na suviaź. Ad štabu patencyjnaha kandydata ŭ prezydenty stała viadoma, što ich trymajuć u Departamencie finansavych raśśledavańniaŭ i dapytvajuć, advakataŭ da ich nie puścili.
U damach siamji Babarykaŭ prachodziać pieratrusy.