visittheusa.com
Amierykanski štat Rod-Ajłend i płantacyi Providensa pierastanuć vykarystoŭvać svaju poŭnuju nazvu ŭ aficyjnych dakumientach z-za histaryčnych suviaziaŭ z rabstvam. Pra heta paviedamlajecca ŭ pastanovie hubiernatara Džyny Rajmand, piša RTVi.
Akramia taho, słova «płantacyi» źniknie z uradavych veb-sajtaŭ i aficyjnaj suvienirnaj pradukcyi. Faktyčna ciapier štat nazyvajecca prosta Rod-Ajłend.
Pry hetym dla taho, kab aficyjna źmianić nazvu, nieabchodna ŭnieści źmieny ŭ Kanstytucyju štata. Rajmand prapanavała pravieści refierendum ab źmienie ŭ listapadzie 2020 hoda.
Aficyjnaja nazva Rod-Ajlenda ŭklučaje prypisku «Płantacyi Providensa» ŭ honar adnajmiennaha pasielišča, zasnavanaha ŭ 1636 hodzie. Ciapier na jaho miescy znachodzicca stalica štata — horad Providens.
Cikava, što štat byŭ pieršym, dzie admianili rabstva (jašče ŭ 1652), ale na praciahu doŭhaha času jon hraŭ viadučuju rolu ŭ transatłantyčnym handli ludźmi, havorycca ŭ dakumientach Univiersiteta Braŭna ŭ Providensie.
