Fota Volhi Šukajły

Fota Volhi Šukajły

Były vice-premjer Ihar Lašenka ŭznačaliŭ pradstaŭnictva «Homieltransnafta Družba» ŭ Minsku. Infarmacyja pra heta raźmieščana ŭ karparatyŭnym vydańni biełaruskaha apieratara naftapravoda «Družba», źviartaje ŭvahu Tut.by. 

Lašenka prystupiŭ da vykanańnia novych abaviazkaŭ z 14 maja.

3 sakavika Alaksandr Łukašenka svaim ukazam vyzvaliŭ Ihara Lašenku ad pasady vice-premjera «ŭ suviazi ź pierachodam na inšuju pracu». Jamu na źmienu pryjšoŭ Juryj Nazaraŭ, jaki raniej uznačalvaŭ kancern «Biellespapierapram».

Lašenka staŭ vice-premjeram 18 žniŭnia 2018 hoda i kuryravaŭ naftachimičny kompleks i pramysłovaść. Da hetaha jon 4 hady ŭznačalvaŭ kancern «Biełnaftachim». Z 2006 pa 2013 hod byŭ dyrektaram Homielskaha chimičnaha zavoda. Potym staŭ pieršym namieśnikam staršyni «Biełnaftachima».

«Homieltransnafta Družba» — biełaruski apieratar mahistralnaha naftapravoda «Družba». U 2020-2023 hadach dziaržkampanija maje namier pabudavać novy naftapravod Homiel — Horki i naładzić pastaŭki nafty z alternatyŭnych krynic.

Клас
0
Панылы сорам
0
Ха-ха
0
Ого
0
Сумна
0
Абуральна
0