Marta Hołubieva — nie prosta aktrysa Kupałaŭskaha teatra i eks-salistka «Vierasoŭ». Upieršyniu jaje imia pačuli letam 2008, kali 18-hadovaja brunetka tancavała pobač z Alaksandram Łukašenkam na Dzień Niezaležnaści. Tym ža letam jana, darečy, zajmieła kvateru ŭ adnym z damoŭ u Drazdach.
Paśla Marta Hołubieva jašče nie raz źjaŭlałasia pobač z Łukašenkam.
Udzielničaje Marta Hołubieva i ŭ zbory kavunoŭ na prezidenckim učastku.
Marta Hołubieva sprava
Ciapier ža aktrysa prakamientavała ŭ storys u instahramie ŭčarašniuju situacyju vakoł kramy Symbal.by, kali niekalkich čałaviek, što stajali ŭ čarzie, zatrymaŭ AMAP.
«Ludziej zatrymali za toje, što jany stajali ŭ čarzie ŭ kramu. Lubyja Symbal.by, ja budu nasić vašu cišotku kožny dzień. U mianie jość i kubačak», — napisała jana.
«Peŭnym časam chočacca nia čuć, nia bačyć i nia dumać. Ale ty čuješ, bačyš i dumaješ. Bo tvaja ziamla tut. I jana taksama ŭsio bačyć», — dadała Marta Hołubieva.
