U Zachodniaj Ukrainie zdaryłasia mocnaja pavodka. Stychija razburyła sotni kiłamietraŭ daroh i zatapiła tysiačy damoŭ. Z-za pavodki zahinuli try čałavieki, cieła adnaho z zahinułych jašče nie znajšli.
Siarod bolš za 200 zatoplenych nasielenych punktaŭ akazaŭsia papularny kurort Bukaviel, centralnyja vulicy jakoha pieratvarylisia ŭ burnyja reki. U mnohich miescach darohi akazalisia zabłakavanymi albo z-za razbureńniaŭ, albo z-za sychodžańnia sielevych patokaŭ, u vyniku transpartnyja znosiny z 34 nasielenymi punktami byli parušany. Usiaho pa stanie na ranicu 24 červienia było paškodžana 429,7 km aŭtadaroh. Taksama patoki vady razburyli 130 mastoŭ, a ŭ Ivana-Frankoŭskaj vobłaści častkova razburyli čyhunku.
Ad pavodki paciarpieli piać abłaściej: Ivana-Frankoŭskaja, Zakarpackaja, Čarnavickaja, Lvoŭskaja i Ciarnopalskaja.
Siarod pryčyn takoha zatapleńnia — mocnyja apadki (u niekatorych rajonach vypała 2 miesiačnyja normy apadkaŭ) i varvarskaja vysiečka karpackaha lesu (drevy źmiaščajuć i strymlivajuć vadu).
