Centralizavanaje testavańnie pa biełaruskaj movie siońnia płanujuć prajści 18,6 tys. abituryjentaŭ, paviedamiŭ BIEŁTA dyrektar Respublikanskaha instytuta kantrolu viedaŭ Juryj Miksiuk.

Biełaruskaja mova — pieršaje vyprabavańnie ŭ śpisie pradmietaŭ CT, jakija prapanavana zdać abituryjentam dla pastupleńnia ŭ VNU Biełarusi. Testavańnie projdzie na bazie 41 ŭstanovy adukacyi. Vyprabavańnie startuje pa ŭsioj krainie adnačasova — u 11.00.

«Abituryjenty pavinny mieć pry sabie dakumient, jaki paćviardžaje asobu (pašpart, vid na žycharstva, paśviedčańnie biežanca), propusk, hielevuju abo kapilarnuju ručku z čarniłami čornaha koleru. Dziaržkamisija rekamienduje mieć dźvie ručki — na vypadak, kali raptam adna ź ich padviadzie. Zabaroniena pranosić srodki pryjomu, zachoŭvańnia i pieradačy infarmacyi, heta značyć mabilny telefon i inšyja hadžety. Abituryjentam nahadajuć pierad uvachodam u aŭdytoryju, kab jany zdali telefon. Parušalniki buduć vydaleny», - raspavioŭ Jury Miksiuk.

Rekamiendujuć svoječasovaha prybyvać da punktaŭ centralizavanaha testavańnia — nie paźniej čym za paŭhadziny da pačatku vyprabavańni. U punktach praviadzieńnia CT jość srodki dla dezinfiekcyi ruk, rassadžvać u aŭdytoryjach buduć z zachavańniem patrabavańniaŭ sacyjalnaha dystancyjavańnia. U punkcie centralizavanaha testavańnia dazvalajecca vykarystoŭvać maski. Pry hetym na etapie identyfikacyi asoby masku daviadziecca źniać. Pry najaŭnaści prykmiet niadužańnia rekamiendujecca svoječasova źviartacca da miedycynskim rabotnikam. U vypadku drennaha samaadčuvańnia, paćvierdžanaha dakumientalna, abituryjent moža prajści centralizavanaje testavańnie ŭ reziervovyja dni.

Клас
0
Панылы сорам
0
Ха-ха
0
Ого
0
Сумна
0
Абуральна
0