Padziei, što adbyvajucca ŭ Minsku, časam nakiravany na razhojdvańnie situacyi. Pra heta siońnia paviedamiŭ žurnalistam ministr unutranych spraŭ Juryj Karajeŭ, pieradaje BiełTA.

Fota Nadziei Bužan.

Fota Nadziei Bužan.

«Padziei, jakija adbyvajucca ŭ Minsku, časam nakiravanyja na razhojdvańnie situacyi, i pad vyhladam nibyta mirnych pratestaŭ i niejkich vykazvańniaŭ niazhody ź niejkimi dziejańniami ŭłady chavajecca vielizarnaja niebiaśpieka. Tamu što, naprykład, kali pikiety pieratvarajucca ŭ niesankcyjanavanyja masavyja mierapryjemstvy, jany zakranajuć vialikuju kolkaść starońnich ludziej, jakija nie majuć dačynieńnia da hetaha i nie žadajučych u hetym udzielničać», — skazaŭ ministr.

«Svaim miescam praviadzieńnia iłže-pikietaŭ, jakija pieratvarajucca ŭ hetyja łancuhi i niejkija inšyja rečy, hetyja ludzi padstaŭlajuć tych, chto nie choča ŭ hetym udzielničać, pad niadobryja rečy», — dadaŭ Juryj Karajeŭ.

Jon adznačyŭ, što kali supracoŭniki pravaachoŭnych orhanaŭ sprabujuć zharnuć niezakonnaje masavaje mierapryjemstva, to niepaźbiežna ŭźnikajuć situacyi, kali nienaŭmysna zakranajucca staronnija ludzi. «Heta vyklikaje ździŭleńnie tych, jakija nie majuć dačynieńnia, i takim čynam tyja, chto heta arhanizoŭvaŭ, dasiahajuć svajoj mety — pryciahnuć na svoj bok jak byccam by zakranutych uładaj abo pravaachoŭnymi orhanami. Jany heta vydatna ŭśviedamlajuć — tyja, chto heta arhanizavaŭ», — rastłumačyŭ kiraŭnik MUS.

«Ja ŭ hetaj situacyi patrabuju ad supracoŭnikaŭ milicyi, kab my, jak toj kazaŭ, lepš «niedacisnuli», čym «pieracisnuli». Kab nie traplali da nas ludzi, jakija nie chacieli ŭ hetym udzielničać, — skazaŭ ministr. — Ruki trymać za śpinaj ja kažu supracoŭnikam AMAPa. Kali jany kahości vyciaśniajuć — lepš chaj padstaviacca sami, ale nikoha, nie daj boh, nie bjuć, nie prymianiajuć fizičnuju siłu, tym bolš nie dastajuć śpiecsrodki».

Juryj Karajeŭ paviedamiŭ, što praz načalnikaŭ upraŭleńniaŭ unutranych spraŭ instruktuje pra toje, kab supracoŭniki prajaŭlali maksimalnuju vytrymku. A ŭ milicyju dastaŭlali tolki tych, chto imkniecca destabilizavać abstanoŭku i ŭciahnuć niedatyčnych ludziej «śpiecyjalna, naŭmysna, ihnarujučy šmatrazovyja patrabavańni i namiok ź fizičnym vyšturchoŭvańniem, ale łaskavym takim, nie siłavym».

«Kab voś hety nibyta mirny pratest nie razrastaŭsia ŭ niešta bolš masavaje ad ich biespakaranaści, tamu što my nie zaŭvažajem i nie ŭździejničajem, viadoma ž my voś hetyja ŭsie chvalavańni ŭ zarodku spyniajem», — skazaŭ na zakančeńnie ministr.

Клас
0
Панылы сорам
0
Ха-ха
0
Ого
0
Сумна
0
Абуральна
0