Alaksandr Łukašenka pavinšavaŭ prezidenta Łatvii Ehiłsa Levitsa z 65-hodździem, paviedamlaje BiełTA.
Jon adznačyŭ, što Ehiłs Levits adznačaje hety jubilej na adkaznaj palityčnaj pasadzie kiraŭnika łatvijskaj dziaržavy. «Heta pakazčyk vysokaha davieru suajčyńnikaŭ, žyćciovaj stałaści i vyklučnaha prafiesijnaha vopytu, jakija dapamohuć pieraadoleć usie składanaści siońniašniaha času», — havorycca ŭ vinšavańni.
Łukašenka raźličvaje na praciah sumiesnaj pracy pa ŭmacavańni dobrasusiedskich adnosin z Łatvijaj. «Hetamu buduć spryjać zapłanavanyja kantakty na najvyšejšym uzroŭni. Raźličvaju, što ŭ chutkim časie nam udasca sustrecca ŭ haścinnaj Ryzie dla abmierkavańnia šlachoŭ pahłybleńnia ŭzajemadziejańnia Biełarusi i Łatvii», — padkreśliŭ jon.
0
0
0
0
0
0
