Fota Nadziei Bužan
Pra heta pretendent u prezidenty Biełarusi Valeryj Capkała raspavioŭ u intervju lenta.ru.
«Majdan — heta praces, jaki adbyvaŭsia na Ukrainie pa-za miežami kanstytucyjnaha pola, pa-za miežami vybarčaha zakanadaŭstva. Vybuch emocyj u krainie, jaki nielha było kantralavać», — skazaŭ Cepkała, dadaŭšy, što siłavuju źmienu ŭłady ŭ Kijevie ŭ lutym 2014 hoda nielha paraŭnoŭvać ź siońniašniaj situacyjaj u Biełarusi.
Palityk padkreśliŭ, što ŭ Biełarusi zaraz idzie padrychtoŭka da praviadzieńnia prezidenckich vybaraŭ. «U adpaviednaści z Kanstytucyjaj vyšejšaj krynicaj ułady źjaŭlajecca narod. I mienavita narod maje prava vybirać sabie taho lidara i toj palityčny i ekanamičny kurs, jaki na dadzienym etapie adpaviadaje jaho čakańniam. Tamu kazać pra toje, što ŭ nas mahčymy Majdan, — niapravilna», — adznačyŭ Capkała, kamientujučy abiacańnie Łukašenki nie dapuścić revalucyi.
Na jahonuju dumku, ułada pavinna zabiaśpiečyć sumlenny padlik hałasoŭ, kab lehitymnaść vybaraŭ prezidenta Biełarusi nie vyklikała sumnievaŭ.
