Ilustracyjnaje fota
Pasły ES uzhadnili śpis 15 «biaśpiečnych» krain, hramadzianie jakich zmohuć ujazdžać u krainy Jeŭrasajuza, paviedamlaje BBC News.
Ź sierady miežy ES buduć znoŭ adkrytyja dla hramadzian 15 krain, jakija nie ŭvachodziać u ES. U tym liku — Kanady, Maroka i Aŭstralii, ale nie Biełarusi, ZŠA, Brazilii i Rasii.
Vialikabrytanija i jašče čatyry dziaržavy, jakija nie ŭvachodziać u ES — Šviejcaryja, Isłandyja, Lichtenštejn i Narviehija — aŭtamatyčna ŭklučajucca ŭ śpis «biaśpiečnych».
Kab być uklučanaj u jeŭrapiejski śpis, kraina pavinna mieć nizki ŭzrovień infikavańnia karanavirusam. (mienš za 16 na vypadkaŭ 100 000 nasielnictva), taksama maje naziracca tendencyja da źnižeńnia kolkaści vypadkaŭ i zachoŭvacca naležnyja miery sacyjalnaha dystancyjavańnia.
Adzin dypłamat z paŭnočnajeŭrapiejskaj dziaržavy-člena ES skazaŭ Bi-bi-si, što «peŭnaja hieapalityka taksama paŭpłyvała na hetaje rašeńnie» i što «bałkanskija i ŭschodniejeŭrapiejskija dziaržavy rekamiendavali» ŭklučyć u śpis Hruziju.
Ličycca, što vienhierski ŭrad łabiravaŭ uklučeńnie ŭ śpis Sierbii. Ispanskija aficyjnyja asoby kažuć, što jany prasili ŭklučyć Maroka pry ŭmovie, što budzie dasiahnuta pahadnieńnie ab uzajemnaści.
Danija i Aŭstryja byli ŭ liku dziaržaŭ, jakija vystupali za toje, kab kolkaść krain u śpisie była minimalnaj.
U časie dyskusij u ES adbyŭsia raskoł pamiž takimi krainami, jak Ispanija, što žadajuć stymulavać turyzm, ale pierastrachoŭvajucć, bo mocna paciarpieli ad karanavirusa, i takimi jak Hrecyja i Partuhalija, jakija mienš paciarpieli ad virusa.
Hiermanija i Ispanija nastojvali na tym, kab mieć karotki śpis krain ź nizkim uzroŭniem infikavańnia, dobrym miedycynskim absłuhoŭvańniem i nadziejnymi miedycynskimi źviestkami.
Ale ŭ Hrecyi i Partuhalii byli inšyja idei. Imknučysia ŭmacavać svaju ekanomiku paśla karancinu, jany chacieli atrymać jak maha bolš doŭhi śpis.
Francyja nastojvała na ŭzajemnaści mieraŭ. Kali kraina, jakaja nie ŭvachodzić u ES, zabaraniaje paloty ź Jeŭrasajuza, śćviardžaŭ Paryž, jana nie pavinny być u śpisie…
Kančatkovy śpis — heta sproba kampramisu. Jon budzie rehularna karektavacca i abnaŭlacca. Ale Biełarusi ź jaje pakaźnikami ŭsio adno pakul daloka da kryteraŭ Jeŭrasajuza.
