Mastak Uładzimir Basałyha byŭ vydatnym hrafikam, vybitnym administrataram — jon uznačalvaŭ u tym liku Sajuz mastakoŭ.
Jon pamior 7 červienia hetaha hoda, było jamu 80 hadoŭ.
«Naš baćka addaŭ uvieś svoj talent, usie svaje siły na spravu Adradžeńnia Niezaležnaj Biełarusi», — napisali dzieci i ŭnuki mastaka ŭ słovie jaho pamiaci.
I raskazali pra spravu apošnich hadoŭ žyćcia Uładzimira Basałyhi: «Baćka rabiŭ hrafičnyja malunki-rekanstrukcyi pomnikaŭ architektury jaho radzimy Słuččyny, jakija nie zachavalisia, byli źniščany i zabyty. Ale jon nie chacieŭ, kab śviatyni byli zabyty, rupliva vyvučaŭ roznyja krynicy i ŭznaŭlaŭ vyjavy chramaŭ ŭ svaich hrafičnych arkušach».
Zirnicie hetyja pracy, jakija my raźmiaščajem tut z łaskavaje zhody siamji.
