srring96.org
Youtube-błohier z Barani Źmicier Kazłoŭ, viadomy jak «Šery kot», taksama staŭ fihurantam kryminalnaj spravy pa art. 342 KK RB (Arhanizacyja ci aktyŭny ŭdzieł u hrupavych dziejańniach, jakija hruba parušajuć hramadski paradak). Pra heta jon paviedamiŭ pravaabaroncu Paŭłu Levinavu ŭ svaim liście, paviedamlaje srring96.org
Źmicier Kazłoŭ byŭ zatrymany 10 červienia razam z aktyvistami «Jeŭrapiejskaj Biełarusi» Arciomam Čarniakom i Michaiłam Bandarenkam. Na nastupny dzień jon byŭ asudžany na 20 sutak aryštu i, adpaviedna, musiŭ vyjści na volu 30 červienia. Ale jon i dalej zastajecca za kratami — ŭ IČU na vuł. Akreścina ŭ Minsku.
Takim čynam, užo 17 čałaviek znachodziacca pad vartaj u miežach kryminalnych spraŭ pa art. 342 KK RB. Heta błohiery Siarhiej Cichanoŭski, Uładzimir Niaronski, Siarhiej Piatruchin, Alaksandr Kabanaŭ, Uładzimir Cyhanovič, Źmicier Kazłoŭ, Ihar Łosik, zatrymanyja paśla incydentu ŭ Hrodnie Źmicier Furmanaŭ, Viarhilij Ušak, Arciom Sakaŭ, Alaksandr Aranovič, Uładzimir Navumik, Vasil Babroŭski, Jaŭhien Raźničenka, Uładzimir Kniha, Andrej Novikaŭ, palityk Mikałaj Statkievič. 13 ź ich pryznanyja palityčnymi źniavolenymi.
