BiełTA
Pucin i Łukašenka adkryli Miemaryjał savieckamu sałdatu pad Rževam, uskłaŭšy kvietki da pomnika, paviedamlaje BiełTA.
Padčas cyrymonii kiraŭniki dziaržaŭ pahutaryli ź vieteranami Vialikaj Ajčynnaj vajny, a zatym uskłali kvietki da padnožža miemaryjała. Paśla hetaha ŭdzielniki mierapryjemstva ŭšanavali pamiać zahinuŭšych hierojaŭ chvilinaj maŭčańnia.
Biełaruś i Rasija adzinyja ŭ imknieńni abaranić praŭdu ab pieramozie ŭ Vialikaj Ajčynnaj vajny, skazaŭ Łukašenka.
BiełTA
«Adkryćcio hetaha miemaryjała, uračystaści ŭ rasijskaj stalicy, mitynh-rekvijem u Bresckaj krepaści, parad 9 maja ŭ Minsku jašče raz pakazvajuć, što heta našy ahulnyja pieramoha, pamiać i słava, jakija my i nadalej budziem śviata zachoŭvać. Heta i jość realnaja suviaź časoŭ i pakaleńniaŭ. Niabačnaja nitka, jakaja złučaje sercy ŭsich narodaŭ, jakija vajavali ŭ toj strašnaj vajnie, i, pierš za ŭsio, biełarusaŭ i rasiejcaŭ. Z hłybokaj udziačnaściu my schilajem hałavu pierad mužnaściu i stojkaściu ŭsich, chto addaŭ žyćcio za svabodu ciapierašnich i budučych pakaleńniaŭ», — skazaŭ kiraŭnik dziaržavy.
Jon pierakanany, što miemaryjał savieckamu sałdatu pad Rževam zaŭsiody budzie simvałam nieparušnaha siabroŭstva pamiž Rasijaj i Biełaruśsiu, miescam usieahulnaha honaru i pakłanieńnia pierad podźviham našych dziadoŭ i pradziedaŭ. «My nie dazvolim prynizić značeńnie Vialikaj Pieramohi, skazić praŭdu pra padziei taho času i reabilitavać nacyzm. Inakš trahiedyja moža paŭtarycca. Biełaruś i Rasija, jakija zapłacili miljonami žyćciaŭ svaich hramadzian za mir na ziamli, absalutna adzinyja ŭ hetym imknieńni», — padkreśliŭ biełaruski lidar.
