Fota BAŽ

Fota BAŽ

U Hrodnie na 15 sutak aryštu asudzili błohiera Dzianisa Rudzieviča, jaki viadzie youtube-kanał «Lida dla žyćcia», piša spring96.org.

Dzianis byŭ zatrymany 13 lipienia paśla taho, jak vyjšaŭ z suda nad aktyvistami Julijej Karnačavaj i Ježy Hryhienčam. Paśla suda jon płanavaŭ pajści ŭ RAUS, kab atrymać pastanovu pa svajoj spravie, adnak byŭ zatrymany ludźmi ŭ cyvilnym. Jaho pamiaścili ŭ izalatar časovaha ŭtrymańnia da suda.

Sud nad Dzianisam Rudzievičam praviali tajemna, i paplečniki nie zmahli trapić na praces, kab padtrymać błohiera. Viadoma, što jaho sudzili pa art. 23.34 KaAP za ŭdzieł u akcyi «Łancuh salidarnaści», jakaja prachodziła 19 červienia.

Nahadajem, 19 červienia ŭ Hrodnie padčas akcyi «Łancuh salidarnaści» Dzianisa Rudzieviča schapili nieviadomyja ŭ cyvilnym, nie pradstaŭlajučysia, zapichnuli ŭ aŭtobus i dastavili ŭ RAUS Leninskaha rajona. Tam Dzianisu paviedamili, što jon zatrymany i na jaho byŭ składzieny pratakoł pa častcy 2 artykuła 22.9 KaAP (niezakonny vyrab i raspaŭsiud ŚMI).

Akramia taho, u jaho było kanfiskavana ŭsio abstalavańnie, a telefon raźbili pry zatrymańni supracoŭniki ŭ cyvilnym

9 lipienia 2020 hoda vyśvietliłasia, što administracyjnaja sprava pa hetym pratakole prypyniena. Ale na Dzianisa skłali novy pratakoł pa artykule 23.34 KaAP (parušeńnie paradku arhanizacyi i praviadzieńnia mierapryjemstva).

Клас
0
Панылы сорам
0
Ха-ха
0
Ого
0
Сумна
0
Абуральна
0