Spadaryni Irynie 58 hadoŭ, jana piensijanierka, raniej pracavała buchhałtaram. Uviečary 14 lipienia jana apynułasia na praśpiekcie Niezaležnaści, kala skviera Janki Kupały, kali tam adbyvalisia zatrymańni.

Videa tut.by

«Ja išła, a AMAPaŭcy ciahnuli kahości ŭ aŭtazak. Milicyjaniery začapili mianie, ja zvaliłasia na ruku i złamała jaje», — raskazvaje spadarynia Iryna.

Jaje advieźli ŭ šostuju balnicu, nakłali hipsavuju paviazku i adpuścili dadomu. «Usio adbyłosia vielmi chutka, ja sama nie zrazumieła jak, tamu i nie paśpieła adskočyć. Mnie zdajecca, jany nie chacieli ničoha kiepskaha zrabić, sami dapamahli mnie ŭstać».

«U daviedcy napisali «zadavalniajučy stan abłomkaŭ», zakryty pierałom levaj promnievaj kości», — kaža žančyna.

Užo a 7:30 ranku da spadaryni Iryny pryjšli milicyjaniery, kab apytać pra incydent.

«Mahčyma, jany chacieli daviedacca, ci budu ja na kahości padavać zajavu. A to jašče skažuć, što ja adna hetych piatnaccać čałaviek AMAPaŭcaŭ pavaliła».

Iryna Vitaljeŭna vyjšła na akcyju śviadoma ci apynułasia tam vypadkova?

«Vypadkova išła, tam ža ŭsie vypadkova išli. Usie vyjšli pahulać, i ja taksama. Nie škaduju, što tam była. Kali treba budzie, to i siońnia z takoj rukoj pajdu hulać. Śviežaje pavietra — heta pieršaja sprava. Ja piensijanierka, doma sumna, treba čaściej hulać».

Клас
0
Панылы сорам
0
Ха-ха
0
Ого
0
Сумна
0
Абуральна
0

Chočaš padzialicca važnaj infarmacyjaj ananimna i kanfidencyjna?