Na fejsbuk-staroncy «MUS Biełarusi» źjaviŭsia zvarot pad nazvaj «Milicyja z narodam», pryśviečany padziejam 14 lipienia ŭ centry Minska. Taksama na hetaj staroncy źjavilisia videazapisy, u jakich siłaviki dapamahajuć hramadzianam u roznych składanych situacyjach. Adno ź videa paźniej apublikavała ŭ siabie na staroncy pres-sakratarka Volha Čamadanava.

«U Minsku 14 lipienia adbyvaŭsia biazład. Pravakatary, jakija siadziać u Varšavie i Kijevie, vyvieli niešmatliki, ale ahresiŭny natoŭp na vulicy biełaruskaj stalicy. Usie telehram-kanały i sacyjalnyja sietki ablacieła videa, dzie raźjušanaja zhraja nakinułasia na milicyjaniera i pačała źbivać jaho rukami i nahami. Byli i inšyja vypadki napadaŭ, ale niachaj z hetym raźbirajucca kampietentnyja orhany. My ž źvierniem uvahu voś na jaki fakt: kali kamu-niebudź z udzielnikaŭ niezakonnaj akcyi stała drenna, da kaho jany adrazu kinulisia pa dapamohu? Pravilna, adrazu ž pabiehli da milicyi z krykami «dapamažycie»! I kolki b milicyju da hetaha ni šturchali, ni źnievažali — jana adrazu ž pryjšła na dapamohu. Jak i zaŭsiody heta robić. Tamu što milicyja z narodam», — havorycca ŭ zvarocie.

Клас
0
Панылы сорам
0
Ха-ха
0
Ого
0
Сумна
0
Абуральна
0