Fota ź Vikipiedyi
U Turkmienistanie časova zakrytyja dla naviedvańniaŭ i pilihrymak miačeci, cerkvy i musulmanskija śviatyni. Jak paviedamili RIA Naviny ŭ turkmienskim Saviecie pa spravach relihijaŭ, heta «prafiłaktyčnaja miera procidziejańnia raspaŭsiudžvańniu infiekcyjnych zachvorvańniaŭ».
Raniej Turkmienskija čyhunki abviaścili, što ŭ krainie z 16 pa 23 lipienia prypyniajecca ruch ciahnikoŭ. Taksama ŭ šerahu rehijonaŭ spyniena mižharodniaje aŭtobusnaje złučeńnie.
Akramia taho, va ŭsich rehijonach pravodziacca kompleksnyja dezynfiekcyjnyja pracy ŭ suviazi z tym, što ŭ pavietry «ŭstanoŭlena pavyšanaje ŭtrymańnie pyłavych čaścic».
U stalicy Ašchabadzie taksama začynienyja restarany i kafe, a pa ŭsioj krainie ŭviedzieny masačny režym.
Aficyjna ŭ Turkmienistanie niama nivodnaha zafiksavanaha vypadku karanavirusnaj infiekcyi. Z 6 lipienia ŭ krainie znachodziłasia delehacyja ekśpiertaŭ Suśvietnaj arhanizacyi achovy zdaroŭja. 15 lipienia na bryfinhu pa vynikach vizitu kiraŭnik delehacyi Ketryn Smołłud paćvierdziła, što ŭ Turkmienii niama karanavirusa, ale dadała, što nie moža skidać z rachunkaŭ mahčymaść jaho raspaŭsiudžvańnia.
